2022 jyly 21-22 qazanda elordada «Nazarbaev Ziyatkerlik mektepteri» DBBÚ-nyng «Oqytu, tәrbiyeleu, jaqsy kóru: Qazaqstandaghy balalar jyly» atty XIII Halyqaralyq ghylymiy-praktikalyq konferensiyasy ótude. Konferensiyanyng auqymdy kýn tәrtibi «NZM» DBBÚ Basqarma tóraghasy Kýlәsh Shәmshidinovanyng «Ózgermeli әlem ýshin balalardyng tútas damuy» atty bas bayandamasynda naqty kórsetildi. Ghylymy konferensiyagha 1500-den astam әlemdik bilim beru salasynyng eng tanymal ókilderi jәne qazaqstandyq múghalimder men ghalymdar qatysuda.

Konferensiya ayasynda «Auyldyq mektepter powered by NIS» seriktestik baghdarlamasy ayasynda «Auyldyq jerlerdegi 17 tirek mektepting әleuetin damytu» auqymdy jobasynyng aralyq nәtiyjeleri tanystyryldy. Baghdarlama sapaly bilim berudi qamtamasyz etuge jәne qala men auyldyq eldimekenderdegi bilim beru jýiesining alshaqtyghyn azaytugha baghyttalghan.

Bilim berudi túraqty damytu qory jýrgizetin jәne AITAS holdingi men «Qazaqstan Halqyna» qory qoldau bildirgen «Auyldyq mektepter powered by NIS» jobasy Qazaqstannyng 17 oblysy boyynsha 22 mektepti qamtidy. Onda 17 000-day oqushy bilip alyp, 2000 shamasynda múghalim enbek etedi. Alghashqy bes mektepke AITAS holdingining negizin qalaushy, Bilim berudi túraqty damytu qorynyng qúryltayshysy Serik Tolyqpaev 1 mlrd tenge bólgen bolatyn.

Serik Tolyqpaev: «Bizding maqsatymyz – adamy kapitaldy damytu. Sondyqtan auyldyq jerlerge eng jaqsy sheshimderdidi jetkizu, sonyng ishinde bilim beru, densaulyq saqtau, mәdeniyet jәne ómir sapasyn jaqsartu salasyndaghy jobalardy biriktiru jәne yntymaqtasu alany retinde qor júmysyn úiymdastyrdyq.

 Devid Marsh: Finlyandiyanyng Yuvyaskuli uniyversiytetining EduCluster Finland innovasiyalar jәne syrtqy baylanystar jónindegi diyrektory, PhD doktor: «Búryn biz, yaghny múghalimder «Aldymen saghan bilim beremin, uaqyt qalsa daghdy qalyptastyrugha kómektesemin, sodan keyin baryp minez-qúlqyna, is-әreketine mәn beremin» deushi edik. Búl – tek týsindirip, aityp beruge baghyttalghan eski tәsil. Qazir jaghday ózgerdi. Aldymen oqushynyng ne isteytinine nazar audaryp, artynsha qanday da bir daghdy qalyptastyrugha ýles qosamyz, tek osydan song ghana bilim beremiz. Múghalim tek aqparatqa qana emes, qúndylyqtargha jәne balanyng sabaqqa degen qarym-qatynasyna da bey-jay qaramaugha tiyis».

Astana forumynyng kýn tәrtibinde aqparattyq qoghamdaghy funksionaldyq sauattylyq, jas múghalimning kәsiby damuy, formativti baghalaudaghy innovasiyalar, tatu mektep ortasyn qúru, inkluzivti jәne derbestendirilgen oqytu, sifrlyq oqytushynyng missiyasy men bilim beru prosesine jasandy intellektti engizu siyaqty jahandyq pedagogikadaghy súranysqa ie taqyryptar qamtyluda.

Daniyar Toqtarbaev, Bilim berudi túraqty damytu qory diyrektory: «Bastysy, osy  «Auyldyq mektepter powered by NIS» jobasy ayasynda ozyq pedagogikalyq tehnologiyalardy qabyldap, sol arqyly bilim sapasyn arttyrugha mәn berip otyrmyz. 2000 mynnan asa múghalim túraqty týrde bilimin jetildirip, biliktiligin әri qaray oqu prosesi barysnda tiyimdi paydalanyp jýr. Tipti oqushylarymyzdyng sabaqqa degen yntasynyng әldeqayda óskenin senimmen aita alamyz. Enbekting jemisi degen osy dep oilaymyn».

Kýlәsh Shәmshidinova, «Nazarbaev Ziyatkerlik mektepteri» DBBÚ Basqarma tórayymy: «Balalardy oqu prosesine tartugha, olardy qyzyqtyrugha, baurap alugha mýmkindik beretin teoriyadan praktikagha, empirikalyq tәjiriybege basa nazar audaratyn sabaqtar men jana formatty biz ýnemi qoldaymyz. Bilim beru barysyn shynymen tiyimdi etu – búl AITAS holdingimen jәne Bilim berudi túraqty damytu qorymen birlesken júmysymyzdyng tamasha nәtiyjesi».

Forumda manyzdy oqighalardyng biri súranysqa ie qalalardyn, auyldardyng jәne mektepterding qauipsiz jәne jayly ortasyn qúrugha baghyttalghan arnayy seksiyalar boldy.

 NZM úiymdastyratyn múnday konferensiyalar on jyl ishinde әlemdik bilim beruding jahandyq trendteri boyynsha strategiyalyq sheshimderdi taldaytyn jәne qabyldaytyn eng bedeldi halyqaralyq alandardyng birine ainaldy.

Abai.kz