Quyqtay bir bólmeli pәter jaldap túryp jatqanbyz, bala-shaghamyzben keshki tamaqty «úryp» jatqanbyz.  Esik enirey ashylyp, qojayynnyn  әieli kirip keldi. Shamasy, birdeneni bilip keldi.

– Pәterdi bosatyndar, Reseyden qashqan orystargha beremin, –dedi bylsh etkizip. Men shaygha shashalyp, әielim vermiyshelge qaqalyp, eresek eki balamnyng shashtary  ýrpiyip ketti. Aysara apay qabyrghagha qadala qarady.

– Myna ilinip túrghan qanday  portretter? – dep súrady.

– Portret emes, eki kishkentay balamyz ghoy, – dedi әielim.

– Enbektep,  týs qaghazdy jyrta ma dep, qabyrghagha polzunkalarymen ilip qoydyq, –dedim men.

– Davay, shyghyndar! Tez bosatyndar! «Portretterindi» úmytpay, alyp ketinder! –dep aiqay saldy ol. Týn ishinde qayda baramyz ? Putinge jynym keldi. Resey preziydentine. Ukrainagha soghys ashyp, mobilizasiya jariyalap nesi bar edi? Soghystan qashqan jigitterding kesirinen kespe kójemizdi de ishe almay, pәterden quylyp baramyz!

«Olar qansha tóleydi?» –dep súradym men. «600 myng tenge!» –degende, әielim shalqasynan týsip, talyp qaldy. Betine  piste may jaghyp, әreng janyn alyp qaldym. Piste maygha ghana oyanady ózi.  Amal joq, balalarymyzdy kiyindirip, songhy ret pәter qabyrghalaryn qimastyqpen sipalap, songhy ret dәrethanasyna otyryp, songhy ret bir staqan su iship, esikten shygha berdik.  Búrylyp apaygha qarap edim, qolyn búlghap túr eken, shyday almay, jýgirip kelip, qúshaqtay aldym. Qimastyqpen.

– Oibay, ne boldy? –dep súrady ol.

– Sizdi qimay baramyz!

– Qúryp ketindershi! –dedi ol. Qúryp keteyik dep, esikten shygha berip, әielim Aysara apaygha qimastyqpen qarady. Ol qolyn búlghap túr eken. Shyday almay, jýgirip baryp, qúshaqtay aldy.

– Oi, nemenege qúshaqtay beresinder?

– Qazaq qazaqty quyp shyqqanyna  riza bolyp baramyz,–dedi әielim.

– Maghan aqsha kerek, aqsha!

Áyelim kóz jasyn syghyp aldy. Aysara apay jylaghan  joq, «Nege jyladyn?» dep әielimnen súraghan joq. «Evroremont» betinen (boyauyn aitamyn) ayaushylyq ta bilinbedi. Pәterden shyghyp bara jatyp, Aysara apaygha qaradym. Ol búl joly qolyn búlghaghan joq, jaqtyrmay, auzy-basyn qisandatyp, ernin jybyrlatty. Kóterip túrghan balamdy jerge qoya salyp, jýgirip keldim.

– Aysara apay, týriniz búzylyp ketti ghoy, auyryp qaldynyz ba? Jedel jәrdem shaqyrayyn ba? – dep bәiek boldym. Ishimnen:

– «Týn ishinde Almaty vokzalyna qanghytpas, ertenge deyin qondyratyn bolar?» – dep oiladym. Ol mening jaghyma salyp qaldy.

– Ne degen adamsyndar? Qazir kvartiranttar keledi! Esikti jabyndar! –dedi ol aiqay salyp. Sonda da, Aysara apaydy qimaymyz. Qansha degenmen, óz  qazaghymyz ghoy. «Ár qazaq mening jalghyzym» demeushi me edi, bir aidyng ishinde bauyr basyp qalyppyz. Osydan pәterge qol jetkizer bolsam, apaydy ýiime qonaqqa shaqyryp, tek shәy bere berer edim. Shәy úyat bolady. Tamaqqa toydyrar edim! Qimaymyn. Keyde kelip:

– «Myna taraqandar ózderindiki me?» – deytini bar. Almatyda jalghyz biz emes, talayy tas kóshede tapyraqtap jýr eken.  Aysara apayym esikti ishinen endi ileyin dep jatqanda, basymdy búryp:

– Apay, sau bolynyz!  Biz sizdi úmytpaymyz! –dedim. Janarym jasqa tolyp. Beu, qazaghym-ay, adamgershilik asharshylyghy bayaghydan bastalyp ketipti ghoy!

Múhtar Sherim

Abai.kz