«AMANAT» partiyasynyng «Jastar Ruhy» jastar qanaty jasaqtaghan volonterlik toptar Qostanay oblysynda orman órtinen zardap shekken jәne evakuasiyalanghan túrghyndargha kómek kórsetip, belsendi júmysyn jalghastyryp jatyr.

«AMANAT» partiyasy «Jastar Ruhy» jastar qanatynyng tóraghasy Núrjan Jetpisbaev atap ótkendey, Áuliyekól audanyna elimizding týkpir-týkpirinen 300-den astam erikti keldi.

«Volonterlerimiz gumanitarlyq kómekti qoymalargha jayghastyrdy. Azyq-týlik pen qajetti zattardy túrghyndardyng ýilerine jetkizip berude. Zardap shekkender men evakuasiyalanghandargha jyly sózimizdi aityp, moralidyq qoldau kórsetu de manyzdy. Búl – bizding shynayy janashyrlyghymyzdy bildiru ghana emes, sonymen birge olargha qiyn sәtte kýsh-jiger beru. Sonymen qatar, jastar qalpyna keltiru júmystaryna, órtten keyingi ýiindilerdi súryptaugha, aumaqty tazalaugha júmyldyrylghan. Múnymen qosa, biz órtten zardap shekpegen, biraq qoldaudy qajet etetin kópbalaly jәne az qamtylghan otbasylargha da azyq-týlik taratamyz», - dedi N.Jetpisbaev.

Sonday-aq, ol qazir túrmystyq tehnika men qúrylys materialdary kóbirek kelip jatqanyn aitty.

Volonter Rayymbek Baqytjanov Qostanay oblysyna elordadan keldi. Ol apat turaly esty sala birden erikti retinde barugha sheshim qabyldaghanyn aitty.

«Jýk tiyelgen kólikter saghat sayyn kelip jatady, úiyqtamay, demalmay júmys isteuge tura keledi. Biraq erikti boludyng basty qasiyeti de osy. Sebebi biz adamdargha naqty ispen kómektesemiz. Sondyqtan mýmkindigim bola salysymen osynda esh oilanbastan keldim. Biz múnda kómek qoldauymyz qansha qajet bolsa, sonsha uaqytqa deyin júmys isteymiz», - dedi ol.

Jergilikti túrghyn Amanjol Ahmetov eriktilerge alghysyn aityp, eng bastysy, elimizde tynyshtyq bolsyn degen tilegin jetkizdi.

«Býkil Qazaqstan halqy bizge kómektesip jatyr. Azyq-týlik tapshylyghy joq, bizge qajettining bәrin әkeldi. Búl órt qazaqstandyqtardyng qiyn sәtte bir-birine kómektesuge әzir janashyrlyghyn kórsetti», – dedi ol.

Eske sala keteyik, amanattyqtar ýsh kýn ishinde zardap shekkenderge 1214 tonna gumanitarlyq kómek jinady. Partiya filialdary janyndaghy gumanitarlyq kómek jinau punktteri elimizding barlyq 20 ónirinde júmys isteydi. «AMANAT» partiyasy Ortalyq apparatynyng újymy da zardap shekkenderge kómek kórsetu qoryna birkýndik jalaqysyn audardy. Qazirgi uaqytta volonterler partiya filialdary janynan ashylghan gumanitarlyq kómek jinau punktterinde júmysyn jalghastyruda.

Abai.kz