Býgin Mәjilis Tóraghasy Erlan Qoshanovtyng tóraghalyq etuimen Parlament Mәjilisining VII shaqyrylymy III sessiyasynyng alghashqy jalpy otyrysy ótti. Kýn tәrtibine kirispes búryn Palata Tóraghasy Memleket basshysy Q.K.Toqaevtyng halyqqa joldaghan Joldauynyng basym baghyttaryna toqtaldy.   

«Joldau búryn bastalghan reformalardyng logikalyq jalghasy bolyp tabylady. Óte manyzdy, elimizding bolashaq damuyna, taghdyryna qatysty auqymdy mәseleler kóterildi. Eng bastysy, Memleket basshysy Joldauda alghash ret bolashaq saylau nauqandarynyng kestesin jariyalap, elimizding býkil sayasy jýiesining janaryp-janghyruyna jol ashyp berdi», – E.Qoshanov.

Mәjilis Tóraghasynyng pikirinshe, Joldauda aitqan barlyq mәseleler qogham súranysyna say keledi. Qazir qazaqstandyqtardy tolghandyratyn eng basty mәsele – ekonomikanyng damuy, halyqtyng әl-auqatyn arttyru. Eldi bagha men tarifterding ósui alandatyp otyr. Preziydent Joldauda kópting kókeyinde jýrgen osy súraqtargha naqty jauap berdi. Ol «Azamat – biznes – memleket» arasyndaghy qatynasty týbegeyli ózgertudi úsyndy.

Sonymen qatar Palata Spiykeri El Preziydenti Parlament júmysynyng negizgi baghyttaryn aiqyndap bergenine basa nazar audardy.

«Aghymdaghy sessiyada deputattar júmys isteytin zang jobalarynyng erekshe manyzy bar jәne ony qogham da kýtip otyr. Sondyqtan, olardy qarau kezinde halyqtyn, azamattyq qogham ókilderi men sarapshylardyng pikiri meylinshe eskeriluge tiyis», – dedi E.Qoshanov.

Jalpy otyrys barysynda deputattar birqatar jana zang jobalaryn júmysqa

aldy. Olar: «Qazaqstan Respublikasynyng Konstitusiyalyq Soty turaly», «Qazaqstan Respublikasyndaghy Adam qúqyqtary jónindegi uәkil turaly», «Prokuratura turaly»,  «Qazaqstan Respublikasynyng keybir konstitusiyalyq zandaryna Memleket basshysynyng 2022 jylghy  16 nauryzdaghy Joldauyn iske asyru mәseleleri boyynsha ózgerister men tolyqtyrular engizu turaly»  Konstitusiyalyq zang jobalaryn júmysqa aldy.

Sonymen qatar Palata komiytetteri Ákimshilik qúqyq búzushylyq turaly kodeksine ózgerister men tolyqtyrular engizu turaly, 2023 – 2025 jyldargha arnalghan respublikalyq budjet turaly jәne densaulyq saqtau mәseleleri boyynsha zang jobalaryn júmysqa aldy.

Sonday-aq, jalpy otyrys barysynda deputattar birqatar halyqaralyq  ratifikasiyalyq zang jobalaryn júmysqa aldy

Jalpy otyrysta Palata Qazaqstan Respublikasy Parlamenti Mәjilisining deputaty  Andrey  Grigorievich  Linnikting ókilettigin merziminen búryn toqtatu turaly qauly qabyldady.

Abai.kz