"Núrsúltan Nazarbaev qory" Amerikanyng Baltimor qalasynda shoghyrlanghan kommersiyalyq emes úiym Journalism Development Network'ti sotqa berdi. Búl jóninde Courthouse News Service sayty jazdy.

Sayttyng jazuynsha, shaghym berushi Jemqorlyq pen úiymdasqan qylmysty zertteu ortalyghynyng (OCCRP) zertteuinde bayandalghan jayttar atap aitqanda, "qor qarajaty maqsatyna say júmsalmaydy" degen tújyrym shyndyqqa sәikes kelmeydi jәne atalghan aqparat qordyng iskerlik bedeline núqsan keltiredi dep otyr.

Mәsele biyl 19 qantarda OCCRP jariyalaghan zertteu jayly bolyp otyr. Onda Nazarbaevpen baylanysty tórt qayyrymdylyq qorynyng ( "Qazaqstannyng birinshi preziydenti – Elbasy" qory, "Nazarbaev qory", "Núrsúltan Nazarbaev qory", "Demeu qory" jәne "Elbasy") aty atalady. OCCRP Nazarbaev qoryna tiyesili aktivterde kemi 7,8 mlrd dollar baryn anyqtaghan.

Courthousenews.com saytynda jariyalanghan qújatqa sәikes, "Nazarbaev qorynyn" atynan shaghymdy Niu-Yorkte shoghyrlanghan Boies Schiller Flexner zang firmasynyng atqarushy әriptesi Metiu L. Shvars 29 shildede týsirgen.

Shaghymda "Nazarbaev qorynyn" "Nazarbaev uniyversiyteti" men Nazarbaev ziyatkerlik mektepterin qarjylay qoldau ýshin qúrylghany, eks-preziydentting menshik qúqyghy joghy, qor aktivterin basqaryp otyrmaghandyghy aitylghan.

Búghan deyin zertteushiler qaghaz jýzinde Núrsúltan Nazarbaevqa eshqanday aktivter tiyesili emes, biraq ol mýlikterdi baqylap, olardy satu nemese beru turaly sheshimderdi qabylday alady dep jazghan.

"Shaghymgha eshqanday negiz joq. OCCRP bizding versiyany qoldaydy" dedi Journalism Development Network atqarushy diyrektory Dru Sallivan Courthouse News saytyna.

Qantar aiynda ýsh qayyrymdylyq qorynyng ókilderi "Nazarbaev baqylauyndaghy aktivter" turaly jurnalisterding súraqtaryna jauap bermegen edi. Taghy bir mәlimdemelerinde aktivterden kiris týspeydi, sebebi úiym Qazaqstandaghy bilim mekemelerin qarjylandyrumen ainalysady degen.

Journalism Development Network әlem boyynsha zertteumen ainalysatyn ondaghan BAQ-tyng basyn biriktirgen Jemqorlyq pen úiymdasqan qylmysty zertteu ortalyghyna (OCCRP) jetekshilik jasaydy.

Aqparat qúraldarynyng jazuynsha, Boies Schiller Flexner AQSh-ta kishi Djordj Bush pen Alibert Gor arasyndaghy dau siyaqty iri istermen ainalysqan. Búl zang firmasynyng atqarushy seriktesining aty qazaqstandyq BTA-nyng Múhtar Áblyazovqa qarsy týsirgen shaghym boyynsha iste de atalady.

Abai.kz