Preziydent Toqaev 16 nauryzda halyqqa sayasy reformalaryn tanystyrdy. Reformada endigi tanda partiya qúrudyng onay bolatyny aityldy. Naqtylap aitqanda endi partiya qúru ýshin 20 myng qol emes, 5 myng qol jetkilikti. Búl ózgeris sayasy sahnagha kóptegen jana partiyalardyng shyghuyna yqpal etui mýmkin. Qoghamda partiya qúrghysy keletin jandar jeterlik. 

2020 jyly kәsipker Ahmetbek Núrsila «Sen» atty partiya qúratynyn jariyalaghan bolatyn. Ol búl turaly ózining Feysbuk paraqshasynda jazghan.

«Men sayasatker emespin. Biraq, ózimdi oqyghanym, toqyghanym, ómirden, ekonomikadan tәjiriybesi bar adammyn dep sanaymyn. Oqyghanym, bilgenimdi halyqtyng iygiligine jaratu ýshin deputattyqqa barsam degen oiym bar. Men partiya qúrsam meni qansha adam qoldaydy dep oilaysyzdar? Siz qoldaysyz ba? Eger de shynymen halyq qoldasa, onda men bel sheship kirisemin», – dep jazghan bolatyn.

Artynsha birneshe súhbatta partiyany qoldaugha dayyn 100 myng adam baryn da aitty. Degenmen keyin búl taqyryp jayly qozghamady.

Azamathan Ámirtay da partiya qúrudy maqsat tútyp jýrgen jandardyng biri. Ol ekologiya baghytyndaghy partiya qúrylu kerek dep sanaydy. Jaqynda ol «Baytaq» halyqtyq ekologiyalyq partiyasyn qúrugha talpynyp, Ádilet ministrligine qújattary ótkizilgenin mәlimdedi.

«Bastamashyl top bolyp barlyq qújatty jaqsylap qarap, tapsyrdyq. Elimizge ekologiya baghytyndaghy partiya kerek», – dedi ol.

Partiyasyn tirkete almay jýrgenderding biri – Toghjan Qojaly. Ol «HAQ» atty partiya qúrudy maqsat etude.

«Biz «HAQ» partiyasyn qúrghaly jatyrmyz. Qazir soghan dayyndyq júmystary jýrip jatyr. Biraq, biz ony әli partiya dep jariyalamaymyz. Bizdegi sayasatkerlerding kóbi qatelik jiberedi. Partiya qúramyz dep júrtty jinap, press-konferensiya ótkizedi. Biraq, qúramyz degen sózden basqa eshtene joq. Ne baghdarlamasy joq, ne jarghysy joq, ne aldyna qoyatyn maqsattary men josparlary joq. Sol qatelikti qaytalamas ýshin biz qazir partiyanyng baghdarlamasy men Jarghysyn jasap jatyrmyz. Biz partiyamyz halyqqa tanymal bolu ýshin aldymen ispen dәleldemekshimiz. Partiyanyng isi el auzyna ilige bastaghanda partiya qúrugha bolady.

Bizding partiyanyng artynda tek qana ózimiz túrmyz. Biz alayaq, ózindik kózqarasy joq adamdar emespiz. Maghan kóp aitady, mening artymda qayynagham Bekbolat Tileuhanov túr,- dep. Óitkeni kelinderimin ghoy. Satypaldy turaly birinshi ret estip otyrmyn. Darigha da túr dep te estiymin. Halyq sayasatker әielge ýirene bersin dep Toghjangha partiya ashyp beripti-mys. Men Timur Qúlybaevta segiz jyl júmys istedim. Sondyqtan, Qúlybaevtyng da partiyasy dep aitady. Darhan Kәletaevpen týsken suretterime qarap, Toqaevtyng nemese AP-nyng proektysy dep te aitady. Biz turaly anyzdar kóp. Múhamedjan Tazabekov tuysqanymyz. Ol kisilerding bizding partiyagha qatysy joq. Olardyng kózqarastary bólek. Meniki bólek.Biz eshkimning de jobasy emespiz! Biz – Qazaqstan halqynyng partiyasymyz. Bizding deviz – halyqqa Adal Qyzmet. HAQ!», - degen edi 2019 jyly Toghjan Qojaly bir súhbatynda. Alayda aragha ýsh jyl salsa da, partiyany tirketu jaghyn rettey almauda.

Partiya qúrudy maqsat tútqandardyng biri – qogham belsendisi Múhtar Tayjan. Jer mәselesin kóterip jýrgen ol «Jer qorghany» atty partiya qúrmaq. Búl turaly ol 16 nauryz kýni ózining Feysbuk paraqshasynda mәlimdedi.

«Dostar, aghayyn! Býginnen bastap men jana sayasy partiyany qúrugha kirisemin. Naghyz sayasy jәne ekonomikalyq reformalardy jýzege asyrtu ýshin býgingi biylik - yaghny býgingi zalynda otyrghandardyng - Mәjilis, Senat jәne ýkimet 80-90% sózsiz auysu kerek.

Ol ýshin biz - el men últ janashyrlary - jana partiya qúryp kelesi saylauda Núr Otan-Amanat partiyasyn adal jarysta jenip - biylikke keluimiz qajet!

Bizding jana sayasy partiyamyzdyng atauy JER QORGhANY bolsyn. Jer degen úghym әr qazaq ýshin qasiyetti dep bilem. Jerimizdi qorghay alsaq úrpaq ýshin bolashaqqa jol ashamyz degen sóz.

Mening janjaqty ústanymdarymdy, pikirlerimdi jaqsy bilesizder dep oilaymyn. Eger mening sayasy jәne ekonomikalyq kózqarasymdy qoldaytyn bolsanyzdar - búl siltemege kirip tirkelinizder!

Kelesi saylaudyng nәtiyjesinde (bәlkim biyl) bizding partiyamyzdyng belsendilerimiz parlament pen mýldem jana ýkimette tabylyp Elimizge naghyz, ótirik emes, shynayy reformany engizetin bolamyz», - dep jazdy ol.

Jurnalist Sәule Ábildahanqyzy da partiya qúruda oilap otyr.

«Aqjýnis» әielder partiyasyn qúramyn! Barlyq qazaq әielderi, biriginder! Kim jana partiya zangeri bolghysy keledi, óz-ózinizge, biliktiliginizge senimdi bolsanyz, habarlasynyz! 2-3 jyl búryn qoghamdyq birlestigimdi tirkeytin mekenjay tappay, qyryq tuys, jýz dosqa jalynyp, «ziyanyng tiyedi, biylik mening sonyma týsip alady, qorqamyn» dep, eshkim óz ýiine tirkegisi kelmey, aqyrynda qolymdy bir siltep qoyghan edim. Áyelder partiyasyn propiskagha qoyatyn adam tabyla ma eken?», - dep jazdy ol óz paraqshasyna.

Utilialym mәselesin kóterip jýrgen Sanjar Boqaev «Namys» atty partiya qúrdy. Ol partiyasyn arnayy tanystyryp, endi tirkeu júmystarymen jýr. 17 aqpanda ótken baspasóz mәslihatynda Boqaev jurnalisterge partiyasynyng baghytyn tanystyryp, negizgi mindetterin atap kórsetken bolatyn.

Abai.kz