20 aqpan kýni Resey men Belarusi elining birlesken әskery jattyghuy ayaqtaluy tiyis edi. Alayda Ukraina shyghysyndaghy jaghdaydyng qatty ushyghuyna baylanysty, jattyghu jalghasyn tabatyn boldy. Búl turaly Belarusi qorghanys ministrligi habarlady. Atalmysh aqparat Ukrainagha Reseyding basyp kirui mýmkin degen joramaldy quattay týsti. Sonymen Donbassta ne bolyp jatyr? 

«16 aqpan kýni Resey әskeri Ukrainagha basyp kirui mýmkin» degen boljamdar aitylghan edi. Kiyev resmy týrde ol kýndi «Birigu kýni» retinde atap ótti. Alayda dәl sol kýni eshqanday basyp kiru bolghan joq. Batys tarapy Reseyding shabuylgha shyghu kýnin óz barlaushylarynyng aqparatyna sýienip taratty. Búl Reseyding «manevr» jasau qimyldaryn azaytyp, әlemdik BAQ aldynda aqparattyq qysymgha úshyrauyn jedeldetti.

18 aqpanda Reseyge baghynyshty Donbass býlikshileri jedel arada halyqty evakuasiyalay bastady. Olar «Ukraina shabuylgha shyghady» dep mәlimdep, әielder men balalardy, egde jastaghy qariyalardy Resey aumaghyna uaqytsha qonystandyru kerek dep tapty. Osylaysha Lugansk jәne Donesk býlikshileri 700 myngha juyq adamdy Resey aumaghyna shygharu niyeti baryn aitty. Qazirding ózinde Reseyge kirgen adamnyng sany 53 myndy qúraydy. Osy arqyly býlikshiler «halyqty әketuge mәjbýr boldyq, Kiyev shabuylgha shyqpaq» degen aqparattyq shabuyldy jasaghysy kelgendey. Alayda ol tәsilderi Resey halqyn ghana sendirgen synayly, al ózge әlem búl tәsildi kerisinshe «Resey basyp kiru ýshin Donbasstaghy adam shyghynyn azaytu maqsatynda tazartyp jatyr» dep aiyptady. Sondyqtan búl tústa da Resey aqparattyq túrghydan әlem aldynda útyldy.

Býlikshiler «Ukraina "Minsk kelisimin» óreskel búzyp, artilleriyalyq soqqy jasauda» degendi aituda. Beybit túrghyndar men balalar qaza tapty deydi, alayda qanday da bir naqty dәlel keltirmedi. Sәikesinshe Ukrainanyng Ishki ister ministri, deputattar ókili men halyqaralyq jurnalister Donbass shebine barghan sәtte, sodyrlardyng shabuylyna úshyrap, artilleriyalyq soqqy astynda qaldy. Ol sәtti halyqaralyq jurnalister týsirip alyp, әlemdik BAQ-qa jariyalady. Artynsha sodyrlar atqylaghan balabaqshalar men mektepterding de naqty beyneleri kórsetildi. Osylaysha Reseyding jaqtauymen kýn keship kele jatqan býlikshiler taghy da aqparattyq maydanda jenilis tapty.

19 aqpanda preziydent Zelenskiy Munhendegi qauipsizdik mәselesi boyynsha konferensiyagha qatysty. Ol búl joly naqty talaptar qoydy. Qarjylay kómekti esh bastapqy shartsyz beru, Reseyge sanksiyany qazirden bastap salu jәne Ukrainagha arnalghan arnayy Lend-Liz zanynyng boluy, tipti «Budapesht kelisiminen» shyghu turaly da aitty.

20 aqpan kýni Putin men Makron ózara telefon arqyly sóilesti. Olar aldaghy tanda Europadaghy qauipsizdik mәselesi boyynsha ýlken jiyn ótkizu qajettigin birlese maqúldasty. Sonymen qatar Putin men Bayden kelissózderi de ótui mýmkin.

Degenmen Resey biyligining sózi men isi әdettegidey bir jerden shyqpay túr. Resey shekara manynan әskerin әkettim dese de, kerisinshe Ukraina barlaushylary әsker sanynyng artqanyn aituda. Onyng ýstine soqqy jasaushy bólimsheler әskery tehnikalarmen tolyghu ýstinde. Qazirding ózinde Ukraina tórt qaptaldan shabuylgha úshyrauy mýmkin. Batysynda Resey qoldauyndaghy Pridnestrovie, shyghysynda Resey jәne Donbass sodyrlary, ontýstiginde Qyrymdaghy Resey әskeri men Qara Tenizdegi Resey floty, al soltýstiginde Belarusi jerindegi Resey әskeri túr. Sonymen qatar 21-26 aqpan aralyghynda Resey Azov tenizining әue kenistigin japty, «resmy mәlimdeme» boyynsha әskery jattyghu ótedi.

AQSh sarapshylary Reseyding әskery quaty boyynsha kelesidey mәlimetterdi keltiredi. Ukrainagha basyp kiru maqsatynda Resey shekara manynda jeke qúramnyng 75 payyzyn, 120 batalion, 35 әue shabuylyna qarsy batalion, 500 shabuyldaushy úshaqtar men 50 auyr bombalaushy úshaqtar, 3 mynnan astam tank pen BMP toptastyrghan. Sonday-aq, Donbass sodyrlary 18-55 jastaghy er azamattardy әskery mindetti dep tauyp, әskery bólimshelerge shaqyruda. Donesk jәne Lugansk kóshelerinde mәjbýrli týrde jastardy avtobustargha tiyep, әketip jatqan viydeolar jelide jariyalanyp jatyr.

Batys agressiyalyq sayasat ústanatyn Reseydi barynsha aqparattyq túrghydan әshkerelep keledi. Endi Resey shabuylgha shyghuy mýmkin kýnning biri retinde, 23 aqpandy ataghan sarapshylar da tabyldy. Olar Reseydegi «Otan qorghaushylar kýni» Mәskeu osynday qadamgha baruy mýmkin deydi.

Reseyge salynatyn sanksiyalar da әzirlendi. Oghan Belarusi elin de qosu mýmkindigi qarastyrylyp jatyr. Búl úzaqmerzimdi әri 2014 jyly salynghan sanksiyalardan auyr bolatyny aityluda. Ol joghary tehnologiyalardy iyemdenu, qarjylyq sektor men bankte qarjylyq ainalymdar jasau, energetika jәne sauda salasyn qamtidy. Jeke túlghalargha salynatyn sanksiyalar da әzirlenude, onyng ishinde esepshottaryn búghattau men elge kirgizbeu turaly úsynystar bar.

Ashat Qasenghaliy

Abai.kz