Mao Szedunnyng izbasary sanalghan marshal Lini Byao 1971 jyly samoletpen shetelge qashyp bara jatqan jerinen atyp óltirildi.

Sol-aq, eken, býkil Qytay kóleminde Lini Byaony synau, qylmysyn әshkereleu nauqany dýr etip bastalady da ketedi. Qytay astanasy Pekinnen bastap, auyl-auylgha deyin asqaq úrandar kóterilip, memleketke, kompartiyagha opasyzdyq jasaghan Lini Byaonyng jeti әkesin jezdey qaqtaydy...

Dәl sonday jinalystyng biri Ile qazaq avtonomiyaly oblysynyng ortalyghy Qúlja qalasynda ótedi.

Ádebiyet pen ónerding ókilderi qatysqan sol jinalysta oblystyq partiya komiytetining sekratary Lini Byaonyng qylmysyn әshkerelegen úzaq bayandama jasaydy.

Sekratardyng bayandamasy bastalghannan bastap, oblystyq teatrda muzvkant bolyp qyzmet isteytin Zora degen әkesi dýngen, sheshesi úighyr әiel әlsin-әlsin qol kóterip, keyde ornynan atyp túryp, sóz súray beredi.

Partkom sekratary bayandamasyn aqyrlastyra salyp, birden Zoragha sóz beredi. Ne aitar eken dep, júrt ta Zoranyng auzyna qúlaq týredi, jym-jyrt bola qalady.

Birinshi bolyp sóz alghan Zora minbege jýgirip shyghyp:

– Men osy Lini Byaonyng onbaghan, búzyq ekenin bayaghyda bilgemin, biraq aitudan qoryqqam! – depti.

Lini Byao bir jaqta qalady, býkil zal kýlki dauysynan jarylyp kete jazdaydy...

Búl әngimeni maghan kezinde Ile qazaq avtonomiyaly oblystyq teatrda sol Zoramen úzaq jyl qyzmettes bolghan qazaqtyng asa kórnekti kino әkteri Mýtәlip Ábdrahmanúly agham aityp berip edi.

Bayqaymyn, Kәrim Mәsimov qamalyp, Timur Qúlybaev qyzmetten ketip edi, dәl osynday jaghday býl kýnderi bizding aramyzda da bolyp jatqan sekildi. Nesin aitasyn, bizding de «Zoralar» janbyrdan keyingi sanyrauqúlaqtay jamyrap shygha keldi, tipti qaptap ketti...

Al, biz sol ekeuining onbaghan jandar ekenin bildik jәne kezinde shamamyz jetkenshe atyn atap, týsin týstep túryp jazdyq ta...

Auyt Múqiybek. Qazaq kóshi osymen toqtasa, Kәrim Mәsimov ekinshi Goloshekin atanady

Qúlybavtan qútylmay, Parlamentke kýn joq!

Qazaq kóshine qarsylardyng kýni batty...

Auyt Múqiybek

Abai.kz