Múqaghaly Maqataevtyng 90 jyldyq mereytoyyna dayyndyq Almaty oblysy ótken jyldan bastau alghan bolatyn. Jalpy mereytoydy ótkizuge jergilikti budjetten qomaqty qarjy bólindi. Aytuly sharagha oray qúrylghan arnayy júmys tobyn oblys әkimi Amandyq Batalov ózi basqaryp otyrdy.

Mereytoy ayasynda, eng aldymen aqynnyng tughan jeri Qarasaz auyly, Qarasazben irgeles eldi meken Saryjaz, audan ortalyghy Narynqol auyldary abattandyryldy. Joldar jasalyp, auyz su jýiesi janghyrtylyp, mәdeny nysandar jóndeldi, sayabaqtar salu qolgha alynyp, eskertkish ornatyldy.

Jalpy mereytoygha aldyn ala dayyndyq barysynda Qarasaz auylyndaghy aqyn muzeyine, mәdeniyet ýiine, A.Barmanbekúly atyndaghy orta mektepke jóndeu júmystary jasalyp, nysandar jana keyipke endi. Eldi mekenning ortalyq kósheleri, ortalyq alany abattandyrylyp, kóshe shamdary ornatyldy. Sonday-aq, «Auyl – el besigi» baghdarlamasynyng ayasynda respublikalyq budjetten bólingen 427,1 mln. tengege auyz su jýiesi qayta janghyrtudan ótkizilip jatyr. Qarasaz auylynda óner mektebin salu da – mereytoy ayasyndaghy manyzdy bastamalardyng qataryn tolyqtyruda. Qazir nysannyng jobalyq-smetalyq qújattary әzirlenude. Auylgha kireberistegi Jastar sayabaghy abattandyryldy.

Ayta ketu kerek, aghymdaghy jyly 3 gektar aumaghy bar Múqaghaly atyndaghy jana sayabaqtyng qúrylysy bastaldy. Qúny 374,5 mln. tengelik jobada konserttik sahna, shaghyn futbol alany, balalar alany, vorkaut sport alany, alleya, demalys aimaghy qarastyrylghan. Sol siyaqty audandyq әkimdik ghimaratynyng janynan shaghyn sayabaq salyna bastady. Al audandyq mәdeniyet ýiining aldyndaghy skver jәne ortalyq sayabaq abattandyryldy.

Osynday ýlken dayyndyq júmystarynyng nәtiyjesinde kópshilik asygha kýtken dәuirding dara túlghasynyng 90 jyldyq toyy býgin óz shymyldyghyn týrdi. Qarasaz Mәdeniyet ýiinde «Múqaghaly – ghasyr aqyny» atty ghylymiy-praktikalyq konferensiya ótkizilip, onda QGhA Akademiyasynyng akademiygi Bayynqol Qaliyev, akademik Sherubay Qúrmanbayúly, belgili qalamger, «Múqaghali» jurnalynyng bas redaktory Batyq Mәjiyt, qogham qayratkeri, qalamger Rysbek Sәrsembayúly, әdebiyet synshysy Amangeldi Kenshilikúly jәne basqa da ghalymdar men qalamgerler aqynnyng ómiri men shygharmashylyghyna qatysty tyng derekter men tereng taldaularyn ortagha saldy. Bir atap óterligi, osy jiynda baspa betin kórgen «Múqaghaly tili sózdigi» kitaby tanystyryldy.

Al ertengi negizgi sharalargha Memlekettik hatshy Qyrymbek Kósherbaev, oblys әkimi Amandyq Batalov, Mәdeniyet jәne sport ministri Aqtoty Rayymqúlova qatysady dep josparlanuda. Olar júrtshylyqpen birge aqynnyng muzeyin aralap, Narynqolda Múqaghalidyng qoladan qúiylghan enseli eskertkishin ashyp, auyl azamattaryna jana salynghan túrghyn ýilerding kiltin tapsyrady dep kýtilude.

Abai.kz