Áne-mine, degenshe Tokioda ótip jatqan jazghy Olimpiada oiyndary da ayaqtalady. Erten, 8 tamyz – Olimpiadanyng jabyluy rәsimi ótedi.

Qazaqstan biyl 27 sport týrinen 96 olimpiadalyq liysenziya útyp alghan edi. Al medali alghan 83 elding ishinde 79 orynda túrmyz. Qorjynymyzda 7 qola.

Qazaq sportyndaghy búl «jeniliske» (sәtsizdikke) jauapty degen túlghalardyng birsypyrasynyng attaryn atap jazdyq, keshe.

Al әleumettik jeli qoldanushylary hәm qazaq qoghamy, sport salasynyng sarapshylary Qazaqstannyng olimpiadalyq qúramasynyng búl nәtiyjesine kóniltolmastyq aituda. Qazaq júrty jolyn tosqan, jýlde kýtken jýzge tayau sportshynyng eng azy bir-ekeui altyn aluy kerek-ti. Ókinishke oray, qorjynymyzgha altyn týgili, kýmis te týspedi. Segiz sportshymyz qola jýldemen shekteldi. Ras, birining - baby kelmedi, biri - minezsizdik kórsetti, ýshinshisine - sәttilik serik bolmasa, tórtinshisin - tóreshi jyghyp bergen sәtter kóp boldy. Barlyghyn ózderiniz de kórdinizder. Halyqtyng qaltasynan shyqqan qarjynyng kýshimen ghana kýn kóretin Qazaqstan sportyna aitylar syn kóp. Al kinәli kim?..

Qazaq sportyndaghy jabyq sayasat sport salasyndaghy sybaylas jemqorlyqty órshitip, kәsipqoy sport klubtary shendilerding qaltasyn qampitatyn qambagha ainalghanyn BAQ búrynnan jazyp keledi. Ony ótken jyly preziydent Toqaevtyng ózi de aitty. Kәsipqoy sport klubtaryn budjet esebinen qarjylandyrudy toqtatu kerektigin aitty. Ýkimetke tapsyrma berdi. Onyng ýstine, bizding elde sport federasiyalaryn kәsiby mamandar emes, әkim-qaralar basqarady. Demek, key sport týrleri, keybir basshynyng jeke menshigine ainalyp ketken desek te bolady. Qysqasy, qarjysy mol qazaq sportyna ýlken reforma kerek.

Osy jolghy Tokio Olimpiadasynan keyin budjetting býirin soryp otyrghan sport federasiyalary men Últtyq olimpiadalyq komiytet jәne QR Mәdeniyet jәne sport ministrligi eldin, el basshylyghynyng nazaryna jaghymsyz nәtiyjesimen ilingeni anyq. Endeshe, osydan keyin qazaq sportynyng kólenkeli túsyna may shamnyng jaryghy týse me, әlde qalyptasqan jýie óz degenin jasay bere me?..

Qazaqstannyng sport salasyna aitarlyqtay ózgeris kerektigin sayasatshylar men sport sarapshylary da aityp jatyr. Mysaly, sayasatker Múrat Ábenov: «Mening oiym - preziydent Toqaev Tokiodaghy Olimpiadadan keyin Daulet Túrlyhanov siyaqty halyq qúrmetteytin azammatardy sportty basqarugha qaytaru kerek. Áriyne, minezi bar, anau-mynau sayasy oiyndargha kónbeydi, biraq jýregi taza, memleketshil túlgha! Tek Qazaqstan emes, býkil әlemning sport salasy moyyndaghan talantty maman. Oligarhtar siyaqty sporttan aqsha tabu ýshin emes, qazaq elining namysyn qorghaytyn batyrymyz», - dep jazypty.

Al sport kommentatory Jandos Aytbayúly: «Bizding baluandar men boksshylar mәdeniyetti, sabyrly. Keyde tym mәdeniyetti bolyp ketetin sekildi. Búl sport qoy. Bәlkim mәdeniyet pen sport ministrligin ekige bólu kerek shyghar», - dep oy tastaydy.

«Chinovnik_kz» telegram arnasy  osy jolghy Olimpiada ayaqtalghan song QR Mәdeniyet jәne sport ministri Aqtoty Rayymqúlova dogharysqa ketetinin jazypty. Tipti, onyng ornyna ministrlikti basqaruy mýmkin degen potensialdy ýmitkerlerding de attaryn ataghan eken. Sonymen, Aqtoty Rayymqúlova «otstavkagha» ketse, onyng ornyna Mәdeniyet jәne sport ministrligin kim tizgindeui mýmkin?

«Olimpiadalyq qúramanyng nәtiyjelerine jauapty túlghalardy qyzmetinen alu turaly sheshim Tokio Olimpiadasynyng jabyluynan keyin ghana qabyldanady. Qazirgi tanda, QR Mәdeniyet jәne sport ministri lauazymyna ýsh kandidatura qaralyp jatyr. Olar: Erlan Qojaghapanov, Arystanbek Múamediyúly jәne Serik Sәpiyev», - dep jazady «Chinovnik_kz».

AQPARAT ÝShIN:

Aqtoty Rayymqúlova

Jasy – 57-de. 2019 jyldyng 17 mausymynda QR Mәdeniyet jәne sport ministri bolyp taghayyndalghan. 2014 jyldan bastap atalghan ministrlikte qyzmet istegen. Al 2016 jyldan bastap viyse-ministr qyzmetin atqarghan.

ÝMITKERLER:

Erlan Qojaghapanov

Jasy – 52-de. Qazir QR Mәdeniyet jәne sport viyse-ministri. Keden qyzmetining polkovniygi. Atalghan salada biraz uaqyt qyzmet atqarghan. «Astana» preziydenttik kәsipqoy klubyn, Qazaqstannyng futbol federasiyasyn basqarghan. QR Premier-ministrining kenesshisi bolghan. Almatyda әkimning birinshi orynbasary bolyp jýrip, biyl sәuirde ministr Aqtoty Rayymqúlovanyng qasyna auysqan.

Arystanbek Múhamediyúly

Jasy – 58-de. 2014 jyldan 2019 jylgha deyin QR Mәdeniyet jәne sport ministri bolghan. Qazir QR Últtyq muzeyining diyrektory.

Serik Sәpiyev

Jasy – 37-de. Bokstan Olimpiada chempiony. Ýsh mәrte Álem, eki mәrte Aziya chempiony bolghan. Bel Barker kubogining 2012 jylghy iyegeri. 2017 jyly Mәjiliske deputat bolghan. Bir jyldan keyin otstavkagha ketip, QR Mәdeniyet jәne sport ministrligining sport isteri komiyteti basshylyghyna auysqan.

Sonymen, QR Mәdeniyet jәne sport ministri auysa ma? Auysatyn jaghday bolsa, ol qyzmetke kim layyq? Talqylayyq, mәrtebeli oqyrman...

Núrgeldi Ábdighaniyúly

Abai.kz