Qazaqstan EAES-ten shyghatyn boldy ma? Ony bilmeymin, biraq Mәskeu-Astana arasynda songhy jyldary sayasy salqyndyq artyp kele jatyr dep oilaymyn (mýmkin qatelesermin). Oghan birneshe sebepter de bar siyaqty.

1. Ótken jyly Reseyding bizge jasaghan iydeologiyalyq shabuyly orasan boldy. Putin bastap, Nikonov, Jiriyk, Fedorov, Medinskiy qostap, biraz elimizding tútastyghyna qauipti sózder aityldy. Búl sózsiz bizding isteblishmentti oilandyryp tastady.

2. Qazaqstan "Ruhany janghyru" baghdarlamasynan bastap latyn әlipbii negizinde jasalghan әlipbiyge kóshu prosesin bastady. 2025 jyly birinshi klass balalary sol әlipbiymen oqy bastaydy. Biz ony "tildi damytu ýshin" dep ataymyz, al Mәskeu "kirillisadan bas tartu - bizge qarsylyq" dep týsinude.
3. Qazaqstan kóshe, eldi-meken attaryn qazaq tiline auystyryp, tarihy ataularyn berip jatyr. Ony Resey Memdumasy ýlken kýizelispen qabyldauda. Baj-búj etude.

4. Resey Qazaqstandaghy genosid jayly aitudy únatpaydy. Taqyryp jabyq qalsa deydi. Biraq songhy uaqytta biylik aqyryndap búl taqyrypqa nazar audara bastady. Eskertkishter qoyyp, zertteuler jasap, komissiyalar qúryp, filimder týsirip jatyrmyz. Az, biraq jylju bar. Arhivter ashyluda, aqiqatqa sәule týsude. Mәskeuge búl únamaydy. Nege ekeni de belgili.

5. Qazaqstanda týrki elderimen әskery jәne ekonomikalyq odaqtar qúru iydeyasy aityluda. Áriyne onyng jaqyn arada boluy neghaybyl, biraq sonday kóptegen úsynystardyng ózi resmy Kremlidi titirkendiredi.

Qazaq Elinde Reseyding yqpaly joghary. Óte. Biraq biz ol yqpaldy qalamaytynymyzdy, qarsy ekenimizdi kórsetip signal jiberudemiz. Ne nәrse de signaldan bastau alady. Búl týbi bolatyn prosess qoy. Týbi Qazaqstan-Resey ekonomikalyq, sauda qatynasynda bolatyn, sayasiy-әskery odaqtastyq әlsireytin sәt kelui mýmkin. Qazaq biyligine qansha syn aitylsa da, qazirgi qadamy dúrys dep oilaymyn. Búl qatty bassang mort synatyn taqyryp qoy. Aqyryndap, maydan qyl suyrghanday mәseleni bayyppen sheshu kerek. Eng bastysy prosessti toqtatpau.

Ashat Qasenghaliy

Abai.kz