Jergilikti túrghyndardyng aqparatynsha Almaty qalasynyng manyndaghy Qyzyltu eldi-mekenining janynda әskery úshaq apatqa úshyraghan.

Úshaq Qyzyltu manyndaghy dalagha qúlaghan. Ázirge apattyng sebebi men qaza tapqandardyng bar-joghy belgisiz.

Apatqa úshyraghan úshaq Últtyq Qauipsizdik komiytetine tiyesili An-26  boluy mýmkin.

Aqparattyng anyq-qanyghy qúzyrly organdar tarapynan tekserilu ýstinde.

QazTAG agenttigi:

«Almatyda qonu kezinde AN-26 әskery úshaghy apatqa úshyrady. Ol Núr-Súltan-Almaty baghyty boyynsha úshqan. Bortta 6 adam bolghan. 4-eui qaytys bolyp, 2-eui jaralanghan», - dep habarlady.

Taghy bir aqparatta:

«S 17.21-den bastap Almaty aerodromy jabyq. An-26 әskery úshaghy apatqa úshyrady», - delingen.

Almaty әuejayynyng baspasóz qyzmeti taratqan aqparatta:

«Aldyn ala mәlimet boyynsha, Almatyda qonu kezinde QR ÚQK-ne tiyesili AN-26 әskery úshaghy qúlady. Ol Núr-Súltan-Almaty baghyty boyynsha úshqan. Bortta 6 adam bolghan. Qaza tapqandar turaly aqparat әli joq. Saghat 17.20 shamasynda baylanys ýzilgen. Dereu apattyq jaghday jariyalandy. Bizding barlyq qútqarushylarymyz, qyzmetkerlerimiz oqigha ornyna bardy. Úshaq qonu jolaghyna jetpey qúlaghan», - dep jazylghan.

QR Industriya jәne infraqúrylymdyq damu ministrligi úshaq apatyna qatysty pikir bildirip:

«Azamattyq azviasiya úshaghy emes. ÚQK aqparat beredi», - degen.

Jelidegi viydeo:

QR Tótenshe jaghdaylar ministrligi Almaty әuejayynda әskery úshaqtyng qúlaghanyn resmy týrde rastady.

«13 nauryz kýni saghat 17.25-te Almaty әuejayynyng dispetcherlik qyzmetine saghat 17.22-de Núr-Súltan-Almaty baghyty boyynsha úshyp kele jatqan AN-26 әskery úshaghynyng radardan joghalyp ketkeni jәne apattyq jaghdayda qonghany turaly habarlama kelip týsken», - deydi ministrlikting resmy ókili Talghat Uәliy.

Onyng aituynsha, oqigha ornyna órt sóndiru qyzmetining 11-shi eseptik toby barghan. 9 adam jәne 1 tehnika, Respublikalyq jedel-qútqaru otryadynyng 1 kinologiyalyq toby, 5 adam men Almaty qútqaru qyzmetining 1 tehnikasy júmys istep jatyr. Sonday-aq, oqigha ornyna Izdeu jәne apattyq-qútqaru qyzmetining 4 tehnikasy men Almaty oblysynyng Órt sóndiru, apattyq qútqaru qyzmetining 2 tehnikasy barghan.

«Órt tolyqtay sóndirilgen. Oqigha ornynda jedel jәrdemning 10 reanimasiyalyq brigadasy júmys istep jatyr. Aldyn ala mәlimet boyynsha 4 adam qaza tauyp, 2 adam jaralanghan. Jaralanghandar Ile audandyq auruhanasyna jetkizilgen», - deydi Uәly myrza.

Foto:

Qaza tapqandardyng aty-jóni:

QazTAG agenttigi úshaq apatynan qaza tapqandardyng aty-jónderin jariyalady.

Olar:

Ghabit Barlyqbaev, 1987 jyly tughan. Sheni – mayor;

Dosjan Baymúratov, 1987 jyly tughan. Sheni – agha leytenant;

Múhtar Saghynbaev, 1995 jyly tughan. Sheni – agha leytenant;

Evgeniy Vasilikov, 1987 (1986) jyly tughan. Sheni – serjant.

Qazaqstan preziydenti Qasym-Jomart Toqaev býgin bolghan úshaq apatyna qatysty (AN-26 әskery úshaghy) mәn-jaydy anyqtaudy tapsyrdy.

«Almaty әuejayynda apatqa úshyraghan úshaqta qaza bolghan әskery qyzmetkerlerding tuystary men jaqyndaryna kónil aitamyn. Jaraqat alghandardyng tezirek sauyghyp ketuin tileymin. Mening tapsyrmam boyynsha әue apatynyng sebepterin anyqtau júmystary bastaldy. Búnday oqys oqighalar qaytalanbauy kerek», - dep jazdy Twitter-degi paraqshasynda.

Almaty qalasynyng әkimi Baqytjan Saghyntaev әskery úshaq apaty bolghan oryngha bardy. Búl turaly Saghyntaev ózining Twitter-degi paraqshasynda jazdy.

«AN-26 әskery úshaghy qúlaghan jerge bardym. Tiyisti qyzmet ókilderine bolghan oqighanyng saldaryn jongdy tapsyrdym. Qaza bolghandardyng tuystary men jaqyndaryna kónil aitamyn. Zardap shekkenderge barlyq qajetti medisinalyq kómek kórsetilude», - dep jazdy әkim.

QR ÚQK úshaq apaty turaly:

«13 nauryz, saghat 17.22-de Almaty әuejayyna qonu barysynda AN-26 úshaghy apatqa úshyrady. Bort nomeri – 02. Úshaq QR ÚQK Áue qyzmetine tiyesili.

Bortta 6 ekipaj mýshesi bolghan. 4 adam qaza tauyp, 2-eui auyr jaraqat alghan. Olar auruhanagha jetkizildi.

Apattyng sebepteri anyqtaluda», - dep jazdy.

Abai.kz