Qos azamattyghy bar azamat biraz uaqyttan beri Shymkent qalalyq dene shynyqtyru jәne sport basqarmasyn basqaryp kelgen. Búl turaly QR Últtyq senim kenesining mýshesi Aygýl Orynbek Facebook jelisindegi jeke paraqshasynda jazdy.  

Onyng aituynsha, atalghan mekemening basshysy Oleg Pochivalovtyng Qazaqstannan bólek Resey Federasiyasynyng da azamaty ekenin anyqtalghan.

Aygýl Orynbek QR Memlekettik qyzmet isteri jónindegi agenttigining Shymkent qalasy boyynsha departamentining basshysy әri Ádep jónindegi kenes tóraghasy A.Kómekbaevtyng qala әkimi M.Áytenovke jazghan hatynyng kóshirmesin jariyalady.

«QR Memlekettik qyzmet isteri jónindegi agenttigining Shymkent qalasy boyynsha departamentining óndirisindegi qújattargha sәikes, Shymkent qalalyq dene shynyqtyru jәne sport basqarmasynyng basshysy O.Pochivalovtyng Resey Federasiyasy azamattyghyna qatysty Shymkent qalasy Polisiya departamenti súranys hat joldanghan bolatyn.

03.02.2021 jyly №154 kirispen Shymkent qalasy Polisiya departamentinen jauap hat kelip týsti (qosymsha tirkeledi).

Jauap hatqa sәikes Oleg Pochivalovtyng Resey Federasiya azamaty bolyp tabylatyny jәne 20.01.2021 jyly Shymkent qalasy Polisiya departamentine Qazaqstan Respublikasy azamattyghynan aiyru jәiiti tirkelgendigi turaly mәlimet keldi.

QR «Qazaqstan Respublikasy Memlekettik qyzmeti turaly” Zany 61 babynyng 10) tarmaghyna sәikes, Memlekettik әkimshilik qyzmetshilerding Qazaqstan azamattyghynyng joghaltuy memlekettik qyzmetti toqtatuyna negiz bolyp tabylatynyn habarlaymyz», – delingen qyzmettik hatta.

Ótken jyldyng jeltoqsan aiynyng ortasynda birqatar әleumettik jeli paraqshalarynda shymkenttik sheneunik Oleg Pochivalovtyng Resey elining azamaty ekeni turaly aqparat tarap, tipti keybir qújatynyng kóshirmesi jariya etildi. Onda Oleg  Pochivalovtyng túrghylyqty jeri Mәskeu ekeni, al «azamattyq» baghanynda «Resey Federasiyasy» dep jazylghanyn kóruge bolady. Alayda sport basqarmasynyng ókili búl aqparatty teriske shyghardy.

Ayta keteyik, memleket basshysy Qasym-Jomart Toqaev 2020 jyly qyrkýiek aiyndaghy Qazaqstan halqyna Joldauynda «eger memlekettik qyzmetshi nemese kvaziymemlekettik mekemening basshysy qos azamattyq alsa, olar qyzmetinen bosatylady», dep mәlimdegen.

Al Qazaqstan Respublikasy Ishki ister ministrining orynbasary Aleksey Kalaychidy búqaralyq aqparat qúraldarynda tek 2020 jyldyng 11 aiynda memlekettik qyzmetshilerge qatysty eki azamattyqtyng 431 faktisi anyqtalghanyn aitqan.

Abai.kz