Seysenbi kýni preziydent densaulyq saqtau ministri Aleksey Soydan vaksinasiyagha dayyndyq barysyn súrap, oghan "múqiyat dayyndalu" qajettigin aitty.
Aleksey Soy eldegi medisinalyq mekemelerding barlyghy vaksinasiyagha dayyn ekenin jetkizip, jaqyn arada elge koronavirusqa qarsy reseylik "Sputnik V" vaksinasy jetkiziletinin aitty. Búghan deyin ministrlik 1 aqpanda halyqqa koronavirusqa qarsy jappay vaksina egile bastaytynyn, alghashqy kezende reseylik dәri salynatynyn habarlaghan.
"Vaksinasiya – búl ózekti mәsele. Bizge vaksina egu boyynsha múqiyat qarastyrylghan iri jospar kerek. Haosqa jol bermes ýshin kóptegen nuanstardy eskeru qajet. Tútas alghanda vaksinasiya elding epiydemiologiyalyq ahualyn týzeui tiyis, biraq alda atqaryluy tiyis qyruar sharua bar" dedi Toqaev.
Ol keybir elderding karantin engizude halyqtyng immuniytetin negizge ala otyryp, sheshim qabylday bastaghanyn atap ótti, ýkimetke "Atameken" últtyq palatasymen birige otyryp, bir ay ishinde halyqtyng immuniyteti jayly aqparat jazylghan QR kod engizu mәselesin qarastyrudy tapsyrdy.
Qazaqstanda birinshi kezende infeksiyalyq auruhana, jedel jәrdem, reanimasiya bólimi, auruhananyng qabyldau bólmesinde isteytin qyzmetkerlerge vaksina salynady. Sәuir aiynan bastap jalpy bilim beretin mektep, joghary oqu oryndary, medisinalyq qyzmet kórsetetin mekeme mamandaryna vaksina egiledi. Ministrlik jyl ayaghyna deyin 6 million adamgha vaksina saludy josparlap otyr.
Byltyr Resey biyligi synaqtyng ýshinshi fazasy ayaqtalmay jatyp eki vaksina - "Sputnik V" jәne "EpiVakKorona" ekpesining tirkelgenin habarlaghan. Tamyz aiynda Qazaqstan men Resey "Sputnik V" jetkizu turaly kelisimge de kelgen. Biraq halyqaralyq sarapshylar synaqtyng ýshinshi kezeni ayaqtalmaghan reseylik vaksinagha kýmәnmen qaraghan. Jeltoqsan aiynyng sonynda "Qaraghandy dәri-dәrmek kesheninde" reseylik "Sputnik V" vaksinasy óndirile bastaghan. Keshende bastapqy kezende vaksinanyng 2 mln dozasy shygharylady dep otyr.
Densaulyq saqtau ministrligi túrghyndargha qazaqstandyq QazCovid-in vaksinasy da egiletinin aityp otyr. Klinikalyq synaqtyng ýshinshi kezeninde synalyp jatqan qazaqstandyq QazCovid-in vaksinasy 19 jeltoqsannan bastap 3 myng eriktige salyna bastaghan.
Qazaqstanda songhy mәlimet boyynsha, koronavirus pnevmoniyasyna shaldyqqandardy qosqanda 227 165 adamnan Covid anyqtalghan, 3,5 mynnan astamy qaytys bolghan. Keybir sarapshylar koronavirusqa shaldyqqandar men odan qaytys bolghandar sany búdan әldeqayda kóp dep sanaydy.
Abai.kz
