QR Premier-ministiri

A. Maminge

Elimizde songhy jiyrma jylda túrghylyqty meken-jayyn tastap kóshkenderding sany kýrt ósti. Statistika komiytetitining esebine jýginsek, ótken jyldyng birinshi jartysynda 500 000-nan asa Qazaqstan azamaty el ishinde qonys audarghan.

Osynyng nәtiyjesinde Qazaqstan qalalarynda halyq kóp shoghyrlanghan aglomerasiyalar men jana auyldar payda boluda. Mysaly, songhy 10 jylda Shymkent qalasynyng manyna 500  mynnan asa halyq taban tirese, Shyghysta Óskemen qalasynyng búrynghy sayajaylary qazir 100 000-nan asatyn túrghyndary bar qala manyndaghy auyldargha ainaldy.

Búl urbanizasiya prosesi elimizding barlyq oblystaryna tәn. Sarapshylardyng pikirinshe, ishki migrasiya ary qaray ósedi dep kýtilude.

Endi osy ishki migrasiya kóptegen әleumettik mәselelerdi tughyzyp otyr.

Ókinishke oray, búl jaghday el ishinde rezonans tudyrghan jәne  qayghyly oqigha bolghan kezde ghana nazar audarylady. Oghan Almaty týbindegi «Shanyraq» oqighasy - jerdi jappay ózdiginen basyp alu, túrghyzylghan ýilerdi búzu  oqighalary kuә. Eki kýnning birinde toptasqan jastardyng tóbeleskeni, pyshaqtasqany turaly aqparat elimizding әr aimaghynan kelip týsedi, qanshama jastarymyz beybit zamanda osynday kelensizdikting qúrbany bolyp jatyr. Búl qyrshynnan qiylghan jas ómirler qogham nazarynan tys qaluda, óitkeni, búghan kezekti bir júldyz aqqan kezde ghana kónil audarylatyny ókinishti.

Mysaly, Astanamyzdy ainalasyndaghy túrghyndarynyng sany 25 mynnan 80 myngha deyin jetetin jana auyldarda әli kýnge deyin jastar bos uaqytynda basqosu ótkizetin, sportpen shúghyldanatyn birde-bir qarapayym sportzal nemese mәdeniyet oshaghy salynbaghan.

Al, jas organiyzimining qan oinap, bәsekege týsip, kýsh pen artyqshylyqty kórsetu balalardyng minezi ghana emes, tabighat zandylyghynyng ózi de iytermelep túr. Jenis pen jenilisting dәmin tatpaghan, sportpen shynyqpaghan, tәrbiyesi kem bolghan jasóspirim ruhany da fizikalyq túrghydan  nashar, ózine senimsiz, osal bolady. Ózi siyaqtylardan top qúryp, qaltasyna pyshaq salyp, qylmysqa baruynyng bir sebebi de osy. Qaranghyda toptalyp kóshe kezbey, qúrdastarymen birge kókpar tartyp, boz kilemde kýresip, alanda futbol oinap, sporttyng ashy terin tatqan bozbala qolyna pyshaq ústap qylmysker bolmas edi. Óitkeni sport degen – qarsylasyn  qúrmettey biludi ýiretetin tәrbie kózi.

Osyny bizding әleumettik jәne bilim beru salasy úmytqan siyaqty.

Alayda, múnday oqighalardyng ósuining ózi barshamyzgha dabyl emes pe? Osy orayda, búl problemamen tek qúqyq qorghau organdary ghana ainalysyp, onyng shyn sebepteri kólenkede qala bere me?

Osy mәselelerge ishki migrasiya tolqynyna ilese almay, azamattarymyzdyng әleumettik súranysyna der kezinde jauap bere almay kele jatqan jergilikti әkimshilikterden bastap Ýkimetting nazaryn taghy da audarghymyz keledi.

Býginde Núr-Súltan qalasyndaghy jemqorlyqtyng eskertkishine ainalghan, qúny 2 mlrd. dollarlyq «LRT» jobasyn josparlaugha jetken Ýkimettin  aqyly, nege auylgha kerek shaghyn, qoljetimdi sport zaldary men alandaryn salugha jetpeydi?! Nemese, Aqmola oblysy Shortandy qalasyndaghy qúny 30 mlrd. kópshilikke keregi joq, býginde qanyrap bos túrghan shanghy tramplinning ornyna qazaq balasyna kerek,  últtyq sportty jandandyratyn jýzdegen qysqy jabyq at manejderin salugha bolmasqa?

Bizding oiymyzsha, qala manyndaghy, auyldardan kelgen jastargha qymbat, qúny mlrdttan asatyn saltanatty sport saraylary emes, qoljetimdi, tegin isteytin sportzaldar, mektepterding mýmkindikterin paydalanugha jol ashuymyz kerek.

Qúrmetti Asqar Úzaqbayúly! Osy aitylghandardy eskere otyryp:

- Núr-Súltan, Almaty, Shymkent aglomerasiyalarynyng jәne oblys ortalyqtaryn qorshaghan iri eldi mekenderding damu konsepsiyasyn qayta qaraudy;

- últtyq mýddeni eskerip jәne jergilikti túrghyndarmen aqyldasa otyryp, әr auyldy halyq sanyna sәikes qoljetimdi, paydalanugha ynghayly, qarapayym mәdeny jәne sport obiektilerimen qamtamasyz etuding jana baghdarlamasyn qabyldaudy súraymyz.

Qúrmetpen,

«Aq jol» fraksiyasynyng deputattary

Abai.kz