Spiyker - Kómek Erejepúly Ertaev, «Volonterlar Ligasy» qoghamdyq qorynyng volonteri, Ontýstik Qazaqstan medisinalyq akademiyasynyng qyzmetkeri.

- «Birgemiz Qamqor» jobasynyng granty ayasynda qanday júmystar atqaryldy?

- Men «Birgemiz» volonterlarynyng Shymkent qalasyndaghy front-kensesin basqardym. Sol kezde QR aqparat jәne qoghamdyq damu ministrligi janyndaghy «Azamattyq bastamalardy qoldau ortalyghy»-nyng «Birgemiz Qamqor» jobasyna qatysyp, 300 myng tenge kólemindegi grant útyp aldym. Baghytymyz – jalghyzbasty qarttargha, qarttar ýiindegi ata-apalargha, mýgedek jandargha kómek kórsetu edi. Biz qarttar ýiinde konserttik baghdarlama úiymdastyryp, syi—siyapat jasaudy josparlaghanbyz. Biraq karantin bastalyp ketkendikten biraz júmystar keyinge shegerildi. Padenmiyagha qaramastan qolymyzdan kelgen isterdi atqarugha tyrystyq. Volonter bolghandyqtan bizge karantin uaqytynda qalada emin-erkin jýrip-túrugha mýmkindik berildi. Ákimshilik arqyly qarausyz qalghan qarttardyng mekenjaylaryn anyqtadyq. Olardyng ýilerine baryp, qan qysymyn ólshep (aramyzda medisina qyzmetkerleri de boldy), qant-kәmpitterin, kerek-jaraqtaryn aparyp berdik. Búl iske demeushiler de bolysty. Karantin talaptary jenildetilgennen keyin «Shanshar» әzil-syqaq tetary 50 qarttyng basyp, «Karantindegi qyzyqtar» atty spektakli qoyyp berdi. Búdan song ata-apalarymyzgha shaghyn dastarhan jayylyp, syi-siyapat jasaldy. Aldaghy aptada qarttar ýiine 10 dombyra, tennis stoly, shahmat, shashka syilaudy josparlap otyrmyz. Búl isterdi úiymdastyrugha atsalysqan eriktilerge alghys aitamyn.

- Siz qazir júmys istep jýrgen «Volonterlar Ligasy» qoghamdyq qorynyng baghyty qanday? Nemen ainalysady?

- Qoghamdyq qordyng maqsaty - volonterlik qyzmetpen ainalysatyn jastargha dúrys baghyt-baghdar beru. Jalpy kópshilik eriktilerdi konsertterde shapalaq úryp túratyn, әkimderding jinalysynda top qúratyn tegin júmys isteytin adamdar dep qabyldaydy. Qoghamda osynday teris pikir qalyptasqan. Búl ýlken qozghalys, qoghamdyq institut. Onyng óz zannamasy bar, qúqyghy bar. «Volonterlar Ligasy» qoghamdyq qory jastardy eriktilikke baulidy, olargha baghyt-baghdar beredi.

- Nelikten volonterlikti tandadynyz? Qayyrymdylyq iske degen sýiispenshilik qashan oyandy?

- Qayyrymdylyq qazaqtyng qanynda bar dýniye. Qayrymdylyqty bireui kózboyaushylyq ýshin, bireui jarnama ýshin, biri shyn niyetpen jasaydy. Bir qolym istese, ekinshi qolym kórinbese eken deytin aghalarymyz da bar. Men basynda volonterlargha qarap «Osynyng ne keregi bar? Mynalar nege aqysyz júmys istep jýr? Ýiinde tirligi joq pa?» dep oilaytynmyn. Volonterlikke degen mahabbatym karantin kezinde oyandy. Jalghyzbasty qarttar «Balam, rahmet!» dep betimnen sýigen kezde beker jýrmegenimdi úqtym. «Birgemiz Qamqor» grantynyng artyqshylyghy - sponsor izdemeysin, basqalargha jalynbaysyn. Memleketten bólingen aqshanyng ayasynda júmys isteysin. Áriyne, búl shaghyn qarajat bәrining problemasyn sheshpeydi, biraq kópke demeu beredi.

Abai.kz