Seysenbi, 27 Qazan 2020
COVID-19 QAZAQSTANDA. Júqtyrghandar — 110684. Jazylghandar — 105766. Qaytys bolghandar — 1796
1162 10 pikir 17 Qyrkýiek, 2020 saghat 11:51

Nazarbaev: Qauip-qaterge dayyn boluymyz kerek

N.Nazarbaevtyng tóraghalyghymen Qazaqstan Respublikasy Qauipsizdik Kenesining otyrysy ótti.Kezdesude halyqtyng densaulyghy men ekonomikalyq qauipsizdigin qamtamasyz etu mәseleleri qaraldy.

Eng aldymen Qauipsizdik Kenesining Tóraghasy dәrigerlerdin, polisiya qyzmetkerlerinin, әskery qyzmetkerlerding jәne koronavirus infeksiyasymen kýresuge ýles qosqan basqa da sala ókilderining janqiyarlyq enbegin atap ótti.

Kezdesu barysynda Densaulyq saqtau ministri A.Soy qazirgi epiydemiologiyalyq qauip-qaterlerge dayyndyq turaly bayandama jasady. Sonymen qatar, Qauipsizdik Kenesining mýsheleri Últtyq ekonomika ministri R.Dәlenovting әleumettik-ekonomikalyq damudyng qazirgi tәuekelderi men olardy aldyn alu sharalary turaly, sonday-aq Bilim jәne ghylym ministri A.Aymaghambetovting bilim beru prosesining túraqtylyghyn qamtamasyz etu mәseleleri turaly esepterin tyndady.

Núrsúltan Nazarbaev jahandyq pandemiyanyng «ekinshi tolqynyna» resurstardy dayyndau, aldyn-aludyng keshendi sharalaryn әzirleu qajettigin, sonday-aq syrqattanu dengeyin shynayy baghalau men boljaudyng manyzdylyghyn atap ótti.

– Daghdarystan keyingi kezendegi damu boljamyn, qauip-qaterler men mýmkindikterding tújyrymdamalyq josparyn әzirleu qajet. Daghdarystan keyingi kezendegi damu josparyn býgingi jaghdaylardy eskere otyryp, taghy da pysyqtau kerek. Biz pandemiyamen kýresting eng qiyn ssenariyine jәne onymen baylanysty qauip-qaterlerge dayyn boluymyz kerek, – dedi Qauipsizdik Kenesining Tóraghasy.

Sonymen birge, kezdesu barysynda qúqyq qorghau organdaryna qylmystyq ahualdyng nasharlauyna jәne qylmystyng ósuine jol bermeu, sonday-aq aldyn alu sharalaryn әzirleu tapsyryldy.

– Halyqty azyq-týlikpen jәne dәri-dәrmektermen ýzdiksiz qamtamasyz etu, әleumettik manyzy bar tauarlardyng baghasy men tarifterdi negizsiz ósiruge jol bermeu ýshin tiyisti sharalar qabyldau manyzdy. Sonday-aq, jylytu mausymyna sapaly dayyndyq jasap, basqa da ózekti strategiyalyq mәselelerge kónil bólu kerek, – dep qorytyndylady Qauipsizdik Kenesining Tóraghasy.

Abai.kz

10 pikir