Särsenbi, 23 Qırküyek 2020
COVID-19 QAZAQSTANDA. Jwqtırğandar — 107450. Jazılğandar — 102219. Qaytıs bolğandar — 1699
46 - söz 1467 14 pikir 10 Tamız, 2020 sağat 13:30

Qorqamın...

Meniñ kelesidey birneşe qorqınışım bar. Memleketke jäne halıqqa qatıstı. Olar:

1. EAES-tiñ közdegeni sayasi odaq. Ekonomika tek betperde ğana. Sol sayasilanıp, aqırı osı odaqtıñ şırmauınan şığa almay täuelsizdikten ayırılıp qalmaymız ba dep qorqamın.

2. ODKB degen bizge paydası joq, biraq Resey avantyurasına bolaşaqta jwmıs isteui mümkin äskeri odaqsımaqtıñ kesirinen, bizge qatısı bolmasa da bir äskeri janjal ya soğısqa iligip, jas sarbazdar qan qasapqa tüsip kete ma dep qorqamın.

3. Qazaqstannıñ sırtqı qarızı qaytara almaytın deñgeyge jetip(qazir 160 mlrdqa juıq bolsa da, aqırındap qaytarıluda), de-yure täuelsiz, de-fakto kreditorlarğa täueldi elge aynalıp ketemiz ba dep qorqamın. (älde qazirden solay ma?)

4.Bilikte reseyşil, qıtayşıl, batısşıl, arabşıl, aqşşıldar artıp (osılardıñ bireui), aqırı qazaqı müdde twrğısınan, wlttıq müdde negizinen oylaytın bilik bolmay qala ma dep qorqamın (qazir de mwndaylar bilikte bar, biraq balans äli saqtaluda dep senemin).

5. Qazaqstanda zayırlılıq bwzılıp, ata-babamız wstanğan taza islam emes, bwrmalanğan teris dindi wstanuşılar artıp, qoğamdı jikke bölip, soñı qantögiske aynalıp, Auğanstan men Siriyanıñ, Irak pen Liviyanıñ kebin kiip ketemiz ba dep qorqamın.

6. Resey "Qırım scenariyi" siyaqtı soltüstikke, şığısqa kirip, oğan layıqtı qarsılıq körsete almay, ğasırlar boyı babalar qanımen kelgen jerdi qorğay almay qalamız ba dep qorqamın.

7. Wlttıq dästürdi wmıtıp, tım batısşıl ya basqaşıl közqarastı wstanıp, ar-wyat degenniñ şekarasınan anıq attap, qoğamda er erkektiginen, äyel näziktiginen ayırılğan "kögildir elder" işine kirip ketemiz ba dep qorqamın.

8. Abay söylep, Aqan än aytıp, Abılay bwyrıq bergen, "Alaş Orda" ziyalıları hat jazğan qazaq tilin layıqtı twğırına qondıra almay, dosqa külki, dwşpanğa mäñgi taba, al babalar aldında qarabet bolıp ötemiz ba dep qorqamın.

9. Qazaqstan ekonomikası şikizattıq qaqpannan şığa almay, ekonomikanı ärtaraptandıru söz jüzinde qalıp, tübi ilinip-salınğandar qatarınan ozıp şıqpaymız ba dep qorqamın.

10. Ğılım-bilimnen ada qalğan, älem men adamzat damuına üles qospaytın, satuşı emes satıp aluşı qoğam keypin mäñgi saqtap, älem tanitın birde bir brendimiz bolmay ma dep qorqamın.

11. Sayasi jäne ekonomikalıq reformalarğa tım keş qalıp qoyğan joqpız ba? Jemqorlıq pen paraqorlıqtı ömir zañdılığı dep qabıldap, sanağa baylap, qanğa äbden siñirip jibergen ädetti joya almaymız ba dep, damu men özgeriske kerek uaqıttı joğaltıp aldıq pa dep qorqamın.

13. Osı qorqınıştarım iske asıp kete ma dep qorqamın.

PıSı: Bala-şağañ bar kezde, el üşin alañdauıñ arta bastaydı. Tipti jas bolsañ da. Öytkeni sol elde erteñ wrpağıñ twradı. Al ol wrpaq qanday qoğamda ömir süredi? Beybit äri damığan elde ma, älde oq dausımen tañdı atıratın, meşeu qalğan memlekette ma? Evrey oyşılı aytqanday "basıñdağı qara bwlttı ketirgiñ kelse, aşıq aspan jaqqa qonıs audar" degendey, bwlıñğır bolaşaqtan qaşıp, wrpağımızdı şetel asırıp jiberuge mäjbür bolmasaq bolğanı. Al onda ol sözsiz öziniñ kim ekenin biraz uaqıt ötken soñ wmıtadı. Bireuge bwl mümkin mañızdı emes şığar, biraq mağan mañızdı. Är kün sayın tarihi bir maqala oqımasam basım auıratın men üşin, wrpağımnıñ kim ekenin wmıtpauı mañızdı. Onıñ ğılım men bilimdi igergen, örkenietke üles qosatın elde twratın, jüreginde at twyağınıñ dürsili bar, al auzında babası söylegen tili sayrap twrğan qoğamda ömir sürgenin qalaymın, armandaymın. Biliktiñ qazirgi qabıldauğa tiis şeşimderi, bizde qanday bolaşaq bolatının ayqındaydı. Soğan jaqındap qaldıq-au.

Ashat Qasenğalidıñ jazbası

Abai.kz

14 pikir