Jwma, 25 Qırküyek 2020
COVID-19 QAZAQSTANDA. Jwqtırğandar — 107590. Jazılğandar — 102360. Qaytıs bolğandar — 1699
46 - söz 1248 7 pikir 3 Tamız, 2020 sağat 15:13

Qazaqstannıñ işki isine Qıtay äskeriniñ ne qatısı bar?!.

Älde bizde bärin Qıtay elşisi şeşetin bolğan ba?!.

Qıtay Halıq Respublikasınıñ Qazaqstan Respublikasındağı tötenşe jäne ökiletti elşisi Çjan Syao Qıtay Wlttıq-azat etuşi armiyasınıñ qwrılğanına 93 jıl tolğan mereke qarsañında Qazaqstan men Qıtaydıñ äskeri küştik qwrılımdarı arasındağı ıntımaqtastıq 28 jıldan beri qarqındı damıp kele jatqanın ayttı dep jazadı bairaq.kz saytı.

«Qıtay jäne Qazaqstan äskeri aymaq tınıştığın qorğap, el köleminde türli-tüsti revolyuciyanıñ orın aluına jol bermeydi», – deydi Çjan Syao.

Bwl qalay bolğanı sonda? Qazaqstandağı jağdayğa, bizdiñ işki isimizge Qıtay eliniñ, onıñ äskeri men elşisiniñ ne qatısı bar?!. Älde bizde bärin Qıtay elşisi şeşetin bolğan ba?!. Osı erkinsip ketken elşiniñ bwğan deyin de bizdiñ elge qatıstı töbeden tüskendey birneşe mälimdemeleri el narazılığın tudırğan edi… Endi mınausı töbeden tüskendey emes… töbemizge şıqqanday Aşıq basınu bolıp twr ğoy tipti…

Ötkende «Qazaq üni» saytında jariyalanğan maqalasında belgili jurnalist Ömirzaq Aqjigit: «Halıq köterilse bizdiñ bilik Qıtaydan äskeri kömek swrauı mümkin» dep, öziniñ boljamın jazğan edi. Sonda «Äy, bizdiñ Ömekeñ de ayta beredi» degender de bolıp edi. Endi mine, onday elimizge zor qauiptiñ barın Qıtay elşisi Çjan Syaonıñ özi aşıq mälimdep berdi…

Halıqaralıq qatınastarda beybit qatar ömir sürudiñ birden bir bwljımas qağidası – bir-biriniñ işki isine aralaspau emes pe?!. Al 28 jıl bolğan Qazaqstan men Qıtaydıñ äskeri küştik qwrılımdarı arasındağı ıntımaqtastıq şartında
bizdiñ memlekettiñ eñ bastı qoyğan şartı – sırtqı ıqtimal qauipten birlesip qorğanudan bwrın… eñ aldımen işki tolqularda qıtay äskeriniñ küş körsetuin swrağan sekildi ğoy…
Imperiyalıq memleketter sekildi Qıtay äskeriniñ de ayağı jetken jerden keyin qaytıp qaytqan emes… Sonda taqtı saqtau üşin Eldi, Täuelsizdikti saudağa salğan kelisim jasalğan ba?!. Qwday saqtasın!

Al kerek bolsa… Bwl öz wyasınıñ qauipsizdigin balapandarına senbey, aydaharğa senip tapsırğan kökek qwstıñ tirligi ğoy!?.

Bwğan jauap beretin tiisti organdar bar ma bizdiñ elde?!.

Qazıbek Isanıñ jazbası 

Abai.kz

7 pikir