جۇما, 25 قىركۇيەك 2020
COVID-19 قازاقستاندا. جۇقتىرعاندار — 107590. جازىلعاندار — 102360. قايتىس بولعاندار — 1699
46 - ءسوز 1250 7 پىكىر 3 تامىز, 2020 ساعات 15:13

قازاقستاننىڭ ىشكى ىسىنە قىتاي اسكەرىنىڭ نە قاتىسى بار؟!.

الدە بىزدە ءبارىن قىتاي ەلشىسى شەشەتىن بولعان با؟!.

قىتاي حالىق رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى چجان سياو قىتاي ۇلتتىق-ازات ەتۋشى ارمياسىنىڭ قۇرىلعانىنا 93 جىل تولعان مەرەكە قارساڭىندا قازاقستان مەن قىتايدىڭ اسكەري كۇشتىك قۇرىلىمدارى اراسىنداعى ىنتىماقتاستىق 28 جىلدان بەرى قارقىندى دامىپ كەلە جاتقانىن ايتتى دەپ جازادى bairaq.kz سايتى.

«قىتاي جانە قازاقستان اسكەرى ايماق تىنىشتىعىن قورعاپ، ەل كولەمىندە ءتۇرلى-ءتۇستى رەۆوليۋتسيانىڭ ورىن الۋىنا جول بەرمەيدى»، – دەيدى چجان سياو.

بۇل قالاي بولعانى سوندا؟ قازاقستانداعى جاعدايعا، ءبىزدىڭ ىشكى ىسىمىزگە قىتاي ەلىنىڭ، ونىڭ اسكەرى مەن ەلشىسىنىڭ نە قاتىسى بار؟!. الدە بىزدە ءبارىن قىتاي ەلشىسى شەشەتىن بولعان با؟!. وسى ەركىنسىپ كەتكەن ەلشىنىڭ بۇعان دەيىن دە ءبىزدىڭ ەلگە قاتىستى توبەدەن تۇسكەندەي بىرنەشە مالىمدەمەلەرى ەل نارازىلىعىن تۋدىرعان ەدى… ەندى مىناۋسى توبەدەن تۇسكەندەي ەمەس… توبەمىزگە شىققانداي اشىق باسىنۋ بولىپ تۇر عوي ءتىپتى…

وتكەندە «قازاق ءۇنى» سايتىندا جاريالانعان ماقالاسىندا بەلگىلى جۋرناليست ومىرزاق اقجىگىت: «حالىق كوتەرىلسە ءبىزدىڭ بيلىك قىتايدان اسكەري كومەك سۇراۋى مۇمكىن» دەپ، ءوزىنىڭ بولجامىن جازعان ەدى. سوندا «ءاي، ءبىزدىڭ ومەكەڭ دە ايتا بەرەدى» دەگەندەر دە بولىپ ەدى. ەندى مىنە، ونداي ەلىمىزگە زور قاۋىپتىڭ بارىن قىتاي ەلشىسى چجان سياونىڭ ءوزى اشىق مالىمدەپ بەردى…

حالىقارالىق قاتىناستاردا بەيبىت قاتار ءومىر ءسۇرۋدىڭ بىردەن ءبىر بۇلجىماس قاعيداسى – ءبىر-ءبىرىنىڭ ىشكى ىسىنە ارالاسپاۋ ەمەس پە؟!. ال 28 جىل بولعان قازاقستان مەن قىتايدىڭ اسكەري كۇشتىك قۇرىلىمدارى اراسىنداعى ىنتىماقتاستىق شارتىندا
ءبىزدىڭ مەملەكەتتىڭ ەڭ باستى قويعان شارتى – سىرتقى ىقتيمال قاۋىپتەن بىرلەسىپ قورعانۋدان بۇرىن… ەڭ الدىمەن ىشكى تولقۋلاردا قىتاي اسكەرىنىڭ كۇش كورسەتۋىن سۇراعان سەكىلدى عوي…
يمپەريالىق مەملەكەتتەر سەكىلدى قىتاي اسكەرىنىڭ دە اياعى جەتكەن جەردەن كەيىن قايتىپ قايتقان ەمەس… سوندا تاقتى ساقتاۋ ءۇشىن ەلدى، تاۋەلسىزدىكتى ساۋداعا سالعان كەلىسىم جاسالعان با؟!. قۇداي ساقتاسىن!

ال كەرەك بولسا… بۇل ءوز ۇياسىنىڭ قاۋىپسىزدىگىن بالاپاندارىنا سەنبەي، ايداھارعا سەنىپ تاپسىرعان كوكەك قۇستىڭ تىرلىگى عوي!؟.

بۇعان جاۋاپ بەرەتىن ءتيىستى ورگاندار بار ما ءبىزدىڭ ەلدە؟!.

قازىبەك يسانىڭ جازباسى 

Abai.kz

7 پىكىر