"Júmystan qysqartylayyn" dep otyrghan narazylar qysqartugha qarsy shyghyp, sonymen birge enbek jaghdayyn jaqsartudy, kompaniya basshysyn qyzmetten ketirudi talap etti.
Olar aqparat qúraldaryna "kәsiby biliktiligi joghyna baylanysty 40 júmysshyny qysqartu qajettigi" turaly qújatty kórsetti. Oghan kompaniyanyng diyrektory mindetin uaqytsha atqarushy jәne Janaózen әkimining orynbasary qol qoyghan.
Júmysshylar jibergen viydeoda ondaghan júmysshynyng kompaniya ókilderine shaghymdaryn ashynyp aityp túrghany kórinedi. "Mynaday tótenshe jaghdayda basshylyq nege halyqtyng tilegin eskermeydi? Halyqtyng jaghdayy onsyz da mýshkil kezde nege biz júmyssyz qalugha tiyispiz?" dedi narazylar.
- Enbek jaghdayy joq. Bir jylda eki bala toqqa týsti. Premiya degen bolghan emes. Zeynetaqy jarnasy jýrmeydi. Nesie ala almaymyz. Kәsipodaq joq. Alatynymyz 60 myng tenge. Ol eshtenege jetpeydi. Biz naghyz jalshylar siyaqty júmys istep jatyrmyz, - dedi Azattyqqa inspektor bolyp júmys isteytin Gýlmira Sahariyeva.
Júmysshylar ereuil kezinde sonymen birge kólikke janar-jaghar may, tehnikalyq qújat berilmeytini, júmysshylardyng ómiri saqtandyrylmaytyny turaly aitty. "Aylyqty jýz payyzgha kótersin!" dep aiqaylady.
"Kompaniyada tamyr-tanystyq jaylaghan. Bizde 19-20 jyl júmys istegen tәjiriybeli diplomy bar bilikti júmysshylar jetedi. Nege olar basshy bolmaydy? Basshylyq ózine únamaghandardy qysqartady, qorqytady. Búghan qosa, tútynushylar ózderi tútynghan energiyadan artyq aqsha tóleydi. Sebebi kompaniya shyghynyn solay ótegisi keledi. Zang qayda? Bizge әdildik kerek" dedi narazylardyng biri.
Janaózen qalasy әkimining orynbasary Berik Qabylúly narazylargha baryp, sóilespek bolyp edi, jinalghandar qala әkimining keluin talap etti.
Al kompaniyanyng diyrektory mindetin uaqytsha atqarushy Qanat Qonysbaev mәn-jaydy Azattyqqa telefon arqyly bylay týsindirdi:
- Kәsiporyn jospary bar. Biraq ol bekitilmegen. Olardyng bәri (qysqartu mәselesi - red.) әli mәsele retinde qaralyp otyr. Eshqanday qysqartu bolyp jatqan joq. Biz basqa joldaryn da qarastyryp jatyrmyz. Qújattyng elektrondy núsqasy tarap ketken. Júmysshylar sony kórip baybalam jasap otyr, - dedi ol.
Onyng aituynsha, Janaózen qalasyna elektr energiyasyn tasymaldaumen ainalysatyn kompaniyada 185 adam júmys isteydi. Mekemege tariften basqa tabys týspegendikten mekemening qarjylay ahualy kýrdeli. "Tútynushylardyng elektr energiyasyna artyq aqsha tóleytini" turaly súraqqa ol:
- Tútynushylardyng tapsyrghan kórsetkishteri arqyly bir tәuliktik shyghyny anyqtalyp, sonday tәsilmen 30-31 kýndik kórsetkishi eseptelip jatyr. Búryn-sondy onday әdis-tәsil jasalmaghan. Tútynushylar aidyng kez kelgen kýninde kórsetkishterin tapsyra beredi. Sonyng shyghynyn tolyq eseptep berip jatqan jaghday, - dep jauap berdi.
Shamamen 100 mynnan astam adam túratyn Janaózen qalasynda júmyssyzdyqqa baylanysty narazylyq aksiyalary jii ótedi. Mausym aiynyng sonynda birneshe túrghyn Núr-Súltangha baryp, Aqorda aldynda aksiya ótkizdi. Keyinnen polisiya olardy ústap, aiyppúl saldy.
2019 jyly qala jastary biylikten jalaqysy jaqsy júmys talap etip, narazylyq bildirgen edi. Olardyng jetekshisi Erjan Elshibaev byltyr qazan aiynda bes jylgha sottaldy. Onyng ýstinen «Búzaqylyq» baby boyynsha qylmystyq is qozghalghan.
Abai.kz
