Býgin koronavirus pen pnevmoniya statistikasynyng biriktiriletinin aitqan QR Densaulyq saqtau ministri Aleksey Soy jyl basynan beri 234 mynnan astam adamnyng pnevmoniyagha shaldyqqanyn mәlimdedi.

«Osy jyldyng 1 qantarynan 15 shildesine deyin Qazaqstanda 234 187 adam pnevmoniyamen auyrghan. Búl – ótken jyldyng kórsetkishimen salystyrghanda 3,3 ese kóp (70 926 adam)», - dedi Aleksey Soy.

Ministr Soydyng aituynsha, jyl basynan beri 15 shildege deyin 3327 adam osy pnevmoniyadan qaytys bolghan.

Endi sәl keri sheginis jasayyq. 11 shilde kýni preziydent Qasym-Jomart Toqaevtyng qatysuymen Ýkimetting keneytilgen otyrysy ótkenin bilesizder. Ol jiynda preziydent Toqaev eldegi epiydemiologiyalyq jaghdaydy retteu ýshin Ýkimetke 2 apta uaqyt bergen.

Mine, sol jiynda sóz alyp, esep qylghan Densaulyq saqtau ministri Aleksey Soy jyl basynan beri, yaghni, 1 qantar men 30 mausym aralyghynda elimizde 98 546 astam adamnyng pnevmoniyagha shaldyqqanyn aitqan.

«2020 jyldyng alghashqy jarty jylynda elimizde pnevmoniyagha shaldyqqandar sany ótken jylmen salystyrghanda 55,4 payyzgha kóbeyip, 98 546 adamgha jetti (2019 jyly 63 436 bolghan). 2020 jyldyng mausym aiynda 32 724 adam pnevmoniyamen tirkeldi. Búl kórsetkish 2019 jyly 7 964 edi», - degen ministr Soy.

Ol sonday-aq, 2020 jyldyng jarty jylynda 1772 adam bakterialdy jәne virusty pnevmoniyadan qaytys bolghanyn aitqan.

«Eger ótken jylghy jaghdaymen salystyrsaq, biyl alty ay ishinde 1772 adam qaytys boldy. Al 2019 jyly 1780 adam kóz júmghan edi», - degen ministr.

Ministr Aleksey Soy ol joly (11 shildede) 2020 jyldyng 1 qantary men 30 mausym aralyghyndaghy esepti kórsetken. Al býgin 1 qantar men 15 shilde aralyghyndaghy esepti jariya etti. Ol boyynsha pnevmoniyagha shaldyqqandar sany 234 187 adam, al osy dertten qaytys bolghandar sany 3327 adam dep kórsetilgen.

Qarapayym arifmetikagha salsaq, 1-15 shilde aralyghynda 135 641 adam pnevmoniyagha shaldyghyp, 1555 adam osy bakterialdy jәne virusty pnevmoniyadan kóz júmghan. 

1) 234 187 - 98 546 = 135 641 adam indetti.

2) 3327 - 1772 = 1555 adam qaytys bolghan. 

Ministr esepten janyldy ma, әlde shyn statistika osy ma?

Abai.kz