Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
654 2 pikir 16 Şilde, 2020 sağat 16:14

Mäjilis deputattarı medicinalıq mekemelerdiñ monitoringine qatısuda

Mäjilis deputattarı koronavirus indetiniñ taraluına qarsı birqatar mäselelerdi baqılauğa aldı.

Qazirgi uaqıtta Mäjilis deputattarı öñirlerde koronaviruspen küres jönindegi keşendi jwmıstarğa belsene aralasuda.

Olar qoğamdıq baqılau toptarımen birge därihanalarğa barıp, däri-därmekterdiñ, medicinalıq maqsattağı bwyımdar men bağalarğa monitoring jürgizude.  Sonımen qatar, eriktilerdiñ jwmısın wyımdastıruğa järdemdesip,  medicinalıq mekemelerge gumanitarlıq kömektiñ jetkizilui men taratıluın, halıqtı qajetti tauarlarmen jäne azıq-tülikpen qamtamasız etudi baqılauğa aldı.

Sonday-aq, därigerlerdiñ jwmıs jağdayları men auruhanadağı emdeluşilerdiñ jağdaylarına erekşe köñil bölinude.

Mäjilis deputattarı Zäureş Amanjolova men Serik Qwsayınov Almatıdağı Ortalıq qalalıq klinikalıq auruhanağa barıp, medicina qızmetkerlerimen kezdesti. Kezdesu barısında koronaviruspen emdelip jatqan emdeluşilerdi aralap, auruhananıñ därihana qoymasımen tanıstı.

Medicinalıq mekeme bir mezgilde COVID-19 diagnozı qoyılğan 320 nauqastı qabılday aladı.

Kün sayın auısımğa auruhananıñ 150 qızmetkeri tüsedi. Medicinalıq mekeme barlıq tuındağan mäselelerdi jıldam şeşuge tırısuda.

- Biz jaña modul'dik auruhananı arnayı teksermedik. Öytkeni, ol jaña apparattar men preparattarmen qamtamasız etilgen. Al bwl mekeme 70-şi jıldarı salınğan jäne bastapqıda osınday maqsattarğa arnalmağan. Degenmen, ol qayta jabdıqtaldı. Sonımen qatar, koronavirustı emdeuge arnalğan däri-därmekterdiñ bir ayğa jetetin qorı bar, - dedi Mäjilis deputatı Zäureş Amanjolova.

Auruhana basşılığı emdeluşilerdi qabıldau mümkindigin arttıru üşin qosımşa şaralar qabıldanıp jatqanın ayttı.

Jalpı aytqanda, Mäjilis deputattarınıñ aymaqtardağı jwmısınıñ bastı bağıtı därihanalarda däri-därmekter men medicinalıq maqsattağı bwyımdardıñ, sonday-aq däri-därmekterdiñ bağasına monitoring jürgizu.

Sıbaylas jemqorlıqqa qarsı is-qimıl agenttigi qızmetkerlerimen jäne belsendilermen birge Mäjilis deputatı Snejanna Imaşeva Nwr-Swltan qalasında, al mäjilismender Gleb Şegel'skiy men Qwralay Qaraken Aqtöbe qalasına bardı. Mäjilis deputattarı Irina Aronova men Aygül Nwrkina Qostanay men Pavlodardağı medicinalıq mekemelerge gumanitarlıq kömektiñ taraluın baqılauda wstaytın boladı. Mäjilismender, eñ aldımen, gumanitarlıq tauarlardıñ, äsirese, medicinalıq wyımdarğa jetkiziluine basa nazar audaruda.

Sonmen qatar, Mäjilis deputattarı halıqtı äleumettik qoldauğa erekşe män berude. Mäjilis deputatı Erlan Barlıbaev Almatı oblısındağı Bayserke auılına barıp, 12 äleumettik jağdayı tömen otbasına kömek berdi. Auıl twrğındarımen äñgimelesu barısında ol eşkimniñ qoldausız qalmaytının aytıp, halıqtı sabırlı boluğa şaqırdı.

Abai.kz

2 pikir