Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
1428 5 pikir 5 Şilde, 2020 sağat 18:56

Britandıq jazuşı QR Täuelsizdiginiñ 30 jıldığı men Elbasınıñ mereytoyımen qwttıqtadı

86 jastağı jazuşı Djon Messi Styuart barşa qazaqstandıqtarğa densaulıq pen amandıq tileydi. Barlıq saqtıq şaraların wstanıp, oqşaulanu rejimin saqtaudı swradı dep habarlaydı abai.kz tilşisi. Ayta ketu kerek, qazir Wlıbritaniya da pandemiyamen küresude. Soñğı mälimetterge süyener bolsaq, bwl el COVID-19 qaytıs bolu körsetkişi boyınşa Europada birinşi orında twr.

Biıl  Elbasınıñ «Bolaşaqqa bağdar: ruhani jañğıru» bağdarlamasın jüzege asıru ayasında, oblıs äkimi Amandıq Batalovtıñ qoldauımen britandıq jazuşı Djon Messi Styuarttıñ kitabı qazaq tiline audarıladı. Kitaptıñ bastı keyipkerleri britandıq sayahatşılar Tomas jäne Lyusi Atkinsondar qazaq tilinde söyleytin boladı. Ağılşın tilindegi nwsqanıñ avtorı 86 jastağı Djon Massi Styuart bıltır Almatı oblısı äkimdiginiñ şaqırtuımen Jetisuğa kelgen edi. Saparında Jer jännatı Jetisudıñ körikti jerlerin aralap qayttı. Endi sonı tuındığa arqau etpek.

Jaqında ğana fotograf, jazuşı, ekolog Djon Messi Styuart öñirde «Ruhani jañğıru» bağdarlaması joğarı deñgeyde jüzege asırılıp jatqanın aytıp, beyneündeu joldağan bolatın. Atkinsondar sayahatın zertteu üşin avtor 20 jıl uaqıtın sarp etken.

Ol öz sözinde:  «Meniñ kitabım qazaq tiline audarılıp, Qazaqstan Täuelsizdiginiñ 30 jıldığı qarsañında jarıq köretinine öte rizamın. Sonday-aq, men «Ruhani Jañğıru»  siyaqtı keremet bağdarlamanı bastağanıñız üşin 80 jıldıq mereytoyın toylap jatqan Twñğış Prezidentiñiz Nwrswltan Nazarbaevqa alğıs aytqım keledi»,- dedi jazuşı Djon Messi Styuart.

Tuındınıñ negizgi mazmwnı – säuletşi jäne sayahatşı, HİH ğasırdıñ ortasında Qazaqstanğa alğaş ret sayahattap kelgen Tomas Atkinson turalı bayandaladı. Aqsu audanındağı Tamşıbwlaq bwlağında Tomas pen Lyusidiñ otbasında bala düniege keledi. Olar esimin Alatau Tamşıbwlaq dep qoyadı. Tomas sol uaqıtta ädemi peyzajdardı suretke tüsirip, egjey-tegjeyli kündelik jazıp, onda jergilikti halıqtıñ ömiri men mädenietin surettedi.

Almatı oblıstıq işki sayasat basqarmasınıñ basşısı Rustam Alidıñ aytuınşa, taralımı 2 mıñ dana bolatın kitaptıñ şığuı kelesi jılğa josparlanğan. Ol qos eldiñ kitap qorjınında Qazaqstanda da, Wlıbritaniyada da saqtalmaq.

«Öte qızıqtı, bağa jetpes tuındılardıñ audarması «Ruhani jañğıru» bağdarlamasın jüzege iske asıruğa erekşe serpin beredi. Halıqaralıq jäne işki turizmdi damıtudağı ülken qadam boluı mümkin.»,- deydi Rustam Ali.

Ayta ketu kerek, bwl kitap Atkinsondardıñ sayahatı jaylı jazılğan alğaşqı tuındı emes. Osıdan 5 jıl bwrın britandıq jazuşı Nik Filding te «Oñtüstikke Wlı dalağa. 1847-1852jj. Tomas pen Lyusi Atkinsondardıñ Şığıs Qazaqstanğa sayahatı» attı kitabın şığarğan bolatın.

Jalpı, Almatı oblısında «Ruhani jañğıru» bağdarlaması ayasında soñğı üş jılda 15 mıñnan astam joba jüzege asqan.

Ayman Asıl

Abai.kz

5 pikir