Beysenbi, 6 Tamız 2020
COVID-19 QAZAQSTANDA. Jwqtırğandar — 94882. Jazılğandar — 67031. Qaytıs bolğandar — 1058
46 - söz 1455 2 pikir 3 Şilde, 2020 sağat 16:11

COVID-19. Jerleu qalay jürip jatır? Şwğıl şara qajet!

El aumağında indet şeñgeline ilinbegen eldi meken qalmadı. Büginde virustıñ ökpege ötuinen pnevmoniyadan köz jwmğandardıñ sanı sağat sayın artıp jatqanı anıq. Onıñ üstine eski sozılmalı aurulardı qozğap, büyrek, jürek, qan qısımı t.b. dertterden de baqiğa qanşama otandasımız attandı. Endi osı qaytıs bolğan jandardı aqtıq saparğa şığarıp salu qalay ötude?

Sarığaş qalasındağı medreseniñ direktorı Äbduğapar Smanov qaytıs bolıp, onıñ janazasına nöpir halıq qatısqanı jaylı beynematerialdı körgende jan türşikti.

Birinşiden, jeliden tarağan aqparattan jäne marqwmnıñ soñğı dıbıs jazbasınan onıñ älemge tarağan indet tırnağına ilinip qinalıp jatqanın estidik. YAğni Smanov marqwm COVID-19-dan qaytıs bolğan. Tärtip boyınşa mürde tuısqandarına berilgenimen üyge aparıp juındıruğa bolmaydı da, deneni auruhanadan birden ziratqa alıp ketip jerleu läzim. Jäne mwnday jağdayda sırtınan qara qapşıq kigizilip, zararsızdandırılıp barıp, barlıq saqtıq tärtipteri bwljımay orındaluı tiis. Al janazada halıqtıñ marqwmdı töbesine qoyıp, soñğı saparğa şığarıp salğan beynejazbadan mwnıñ biriniñ saqtalmağanın köremiz.

Ekinşiden, qazir jer-jerde tuıstarın joğaltqan adamdar, COVID-19-dan emes, pnevmoniyadan nemese basqa bir aurudan qayttı dep marqwmdardı qara jer qoynına attandırarda süyekke 7 adam tüsirip mäyitti juındırıp, kebindep jöneltude. Bwl jerde juındırğan jandarğa auru jwqpay ma?

Sarıağaştıq din ökili qaytıs bolğanda süyekke tüsken adamdardıñ sol janazadağı nöpir halıqtıñ ortasında jürgeni anıq. Endeşe auru taraluınıñ bastı oşağınıñ biri- janaza boluda.

Bügin äleumettik jelide mañğıstaulıq bir audannıñ azamattarınıñ janazada süyekke adam tüsirmey, köpşilik jinamay aqtıq saparğa tek et jaqındarınıñ ğana şığarıp saluın ündegen jazba taradı. Öte dwrıs, el bolıp qoldaytın, indettiñ örşuine tosqauıl qoyudıñ amalı dep sanaymız.
Osı rette elimizdiñ Densaulıq saqtau ministrligi barlıq qalalar men kentterde, auıldardağı auruhanalarda, jäne üylerinde qaytıs bolğan adamdardı jöneltudiñ räsimin naqtılau qajettigi tuadı. Marqwmnıñ Ajalı turasındağı kuälik-qwjatta virus kesirinen qozdağan mınaday dertten köz jwmdı degen anıqtama berilui jedel türde qolğa alınbasa, halıqtı indet qwrığınan saqtau degen bos äñgime, dalbasa bolıp qalmaqşı. Al qolda qwjat joqta jaqındarı eşteñege könbey, süyekke adam tüsirip, janazağa köpşiliktiñ qatısıp, aurudıñ örşuine keñ dañğıl aşıladı.

Barlıq jaqındarıñızdıñ, öziñizdiñ, halqıñızdıñ mına indetten aman qaluın tileseñiz, bölisiñiz. Elge jetuine üles qosıñız. Sondıqtan da eşqaysıñızdı belgilemedim, jaqınıñızğa janıñız aşısa jetkize bileyik. Bwl-tajal indet bolıp twr.

Şwğıl şara qabıldanuı tiis!

Anar Töleuhannıñ äleumettik jelidegi jazbası

Abai.kz

2 pikir