Piyket ótkizgen eki azamattyng biri - Almaty túrghyny Aqiqat Qaliolla shara basynda Azattyq tilshisine Qytay biyliginen sol jaqta zansyz ústalghan tórt tuysyn bosatudy talap etip kelgenin aitqan edi.
Piyket kezinde Qaliolla ayaq-qolyna shynjyr baylap, "Qytay ýkimeti, otbasymdaghy tórt adamdy Qazaq eline dereu jiber" degen jazuy bar, tuystarynyng sureti basylghan plakat ústap túrdy.
- 2018 jyly 15 nauryzda Qytayda otbasymdaghy tórt adam: әke-sheshem jәne eki inimdi zansyz ústap әketken. Sodan beri olarmen habarlasa almay otyrmyn. Birinshi talabym olarmen dereu habarlastyrsyn. Ekinshiden, әkemdi ólimshi etip úryp, sabaghan. Iz-týzsiz joghalyp ketti. Ony tyghyp otyr. Ákem dereu shartsyz bosatylsyn. Qytaydan dereu Qazaqstangha jiberilsin, - dedi Aqiqat Qaliolla.
Elshilik aldyndaghy sharbaqqa ózin shynjyrmen bekitken ekinshi narazy túrghyn Jenis Zarqyn da búl jerge Qytayda qalghan әieli men úlyn elge qaytarudy talap etip, kelip túrghanyn aitqan bolatyn.
- Qytaydaghy otbasymdy kórmegenime ýsh jyl boldy. Mynau mening әielim - Sәule Ertayqyzy, úlym - Múhtar Jenisúly (plakattaghy suretterin kórsetti). "Qytay, otbasymdy jiber" dep kelip otyrmyn. Ýsh jyldan beri Qytay konsuldyghyna aryz jazyp kelemiz. Elegen joq. Áyelimdi bir jyl sayasy ýiretu lagerine qamap, mýgedek qyldy. Soghan qaramastan balam men әielime taghy qysym jasap jatyr. "Senderdi qayta qamaymyz, sender Qazaqstannyng tynshysyndar" dep qoqan-loqy kórsetken, - dedi Jenis Zarqyn.
Búl eki azamat bir apta búryn da elshilik aldynda piyket ótkizgen. Sol kezde Qytay elshiligining ókili Go Mini olardy qabyldaghan. Ol "bizding búdan habarymyz joq. Qytay jaqpen sóilesemiz. Bizding qolymyzdan eshtene kelmeydi" degen. Ol Qazaqstannyng syrtqy ister ministrligi búl azamattargha qatysty nota tapsyrdy degen aqparatty joqqa shygharghan.
Qaliolla men Zarqyndy qay polisiya bólimshesine alyp ketkeni әzirge belgisiz.
Qytay Shynjanda lageriler ashyp, oghan úighyrlar, qazaqtar jәne basqa da músylmandardy qamap jatqany jayly aqparat 2017 jyly taray bastaghan. 2018 jyly jazda BÚÚ "Shynjandaghy lagerilerde bir milliongha juyq úighyr, qazaq jәne basqa da músylman otyr" dep mәlimdegen. Qytay biyligi basynda lagerilerding baryn joqqa shygharyp, keyin búl jerlerdi "terrorizm men ekstremizmmen kýresetin jәne kәsip ýiretetin ortalyq" dep sipattaghan.
Qytayda tuystary qalghan azamattar 2018 jyldan beri jiyndar úiymdastyryp, piyketter ótkizip, tuystaryn elge qaytarudy talap etip keledi.
Abai.kz
