QR Premier-Ministri Asqar Mamin Densaulyq saqtau ministrligining újymyna QR Ýkimetining qaulysymen taghayyndalghan densaulyq saqtau birinshi viyse-ministri Aleksey Soydy tanystyrdy,- dep habarlay Ýkimet sayty. 

Ýkimet basshysy A. Soydyng medisina jәne basqaru salasyndaghy ýlken júmys tәjiriybesin atap ótti. Ol ministr E. Birtanov emdelip shyqqansha densaulyq saqtau ministrining mindetin atqarady.

A. Mamin koronavirus pandemiyasymen kýres jaghdayynda halyq densaulyghyn saqtau boyynsha densaulyq saqtau jýiesining aldynda túrghan mindetterdi sheshuding manyzdylyghyn atap ótti.

Aleksey Vladimirovich Soy 1977 jyly 2 sәuirde Ontýstik Qazaqstan oblysynda dýniyege kelgen. Sells College (London), Qazaqstan memlekettik medisina akademiyasynyng aspiranturasyn, Ontýstik Qazaqstan memlekettik medisina akademiyasyn, «Dәneker» halyqaralyq qúqyq jәne halyqaralyq biznes institutyn, RF Preziydenti janyndaghy Resey halyq sharuashylyghy jәne memlekettik qyzmet akademiyasynyng korporativtik basqaru joghary mektebin tәmamdaghan. Stenford uniyversiytetinde (AQSh), Singapurda, Mәskeude, Germaniyada, Úlybritaniyada jәne t. b. elderde taghylymdamadan ótken. Iskerlik әkimshilik doktory, medisina ghylymdarynyng kandidaty.

Hirurg-endoskopist bolyp júmys istegen, Qalpyna keltiru hirurgiyasy jәne transplantologiya ortalyghynyng agha ghylymy qyzmetkeri, Últtyq ghylymy medisina ortalyghynyng ishki medisina ortalyghynyng jetekshi ghylymy qyzmetkeri, «Euroaziattyq respiratorlyq qogham» qoghamdyq birlestigining bas hatshysy, QR Preziydenti Is basqarmasynyng Zamanauy medisinalyq tehnologiyalardy engizu ortalyghynyng diyrektory, QR Preziydenti Is basqarmasynyng Medisinalyq ortalyghynyng basshysy, Astana qalasynyng №1 qalalyq auruhanasynyng bas dәrigeri, QR densaulyq saqtau jәne әleumettik damu viyse-ministri, QR densaulyq saqtau viyse-ministri qyzmetterin atqarghan.

2019 jylghy aqpannan bastap osy uaqytqa deyin Qazaqstan Respublikasy Preziydenti Is basqarmasynyng Medisinalyq ortalyghyn basqardy.

Abai.kz