Aqsha bәrin sheshse...
Qaybir jyly, naqty qay jyl ekeni esimde joq, sheteldik bir jurnaldan “shumaher” degen attyng iyesi, aty әlemge әigili nemisting avtoshabandozy Mihaeli Shumaher turaly maqalany oqyp qaldym. Álemge әigili Shumaherding jetken jetistigi óz aldyna bir tóbe, al, sol kezde tabatyn tabysy súmdyq kóp edi. Qanshama kelisim-sharttar, jarnamalar... Álgi maqalada avtor Mihaeliding jyldyq tabysyn әr kýnge, saghatqa, tipti sekundqa bólip eseptep shyghady. Sonda onyng aiyna, kýnine emes, sekundyna tabatyn tabysy pәlenbay euro edi. Sekundyna! Búl ózi әlemge aty mәshhýr temir túlpardyng “qúlaghynda” oinaytyn shabandoz bolsa, tabysy sekund sayyn týsip, qaltasyn qompaytyp jatsa, endi ne armany bar eken dep oiladym.
Sodan kóp úzamay 2013 jyly әlemning jeti dýrkin chempiony Shumaher Fransiyanyng Meriybele tauly aimaghynda shanghy teuip jýrip, qatty qúlap, nәtiyjesinde bassýiek-my jaraqatyn alyp, miynyng eki jartysharyna zaqym keldi degen habardy estidik.
2015 jyly Fransiyanyng Le Parisien basylymy sportshynyng emi ýshin 500 myng euro júmsalatynyn jariyalady. «Mihaeli sportta jýrip 715 million euro tabys tapty. Qazirde búl aqsha emine tolyqtay jetkilikti.
Alayda, qazirding ózinde onyng otbasy arnayy týrde tapsyryspen jasalghan, týrli jabdyqpen jabdyqtalghan Ferrari FXX Evoluzione kóligin 11,2 million eurogha satylymgha shyghardy. Bir jyl kólemindegi Shumaherding fizikalyq túrghydan jaghdayy ózgerissiz, bir qalypty. Áli de tuystarymen sóilesip, óz betimen qozghala almaydy. Al salmaghy bar-joghy 45 keli. Búl onyng óz salmaghynan 25 keli joghaltqan. Eng ókinishtisi, sportshy әli kýnge ainalasynda ne bolyp jatqanyn týsinbeydi», – dep jazghan edi basylym.
Shumaherding emdelu prosesi úzaqqa sozyldy. Chempion sol uaqyttan beri әli tósekte jatyr. Qysta 51 jasqa toldy. Tughan kýni qarsanynda kelinshegi oghan әli de bir top dәrigerlerding kýshti baqylauy men ýlken kýtim kerek dep mәlimdedi. Koronavirustyng kesirinen josparlanghan ýlken operasiya da keyinge shegerildi.
Shumaherding emine shipa tileymiz. Ayaghyna túryp ketsin. Temir túlparmen jýiitkip jýrip shanghydan tósekke tanylyp qalam dep oilady ýsh úiyqtasa týsine kirmegen shyghar. Jazym bolsa bylamyqtan tis synar deydi bizding qazaq. Jazym qayda, bassang ayaghynnyng astynda degen de bar. Eshkim eshteneden saqtandyrylmaghan. Shumaherge Alla densaulyq berse әli aq onalyp keter. Qarjy jaghynan da qatty qinalyp qalmas. Biraq kim ózining bar tapqan tabysyn ólimmen arpalysugha, dәrige júmsaghysy keledi deysiz. Qansha tapsang da sony tynyshtyq pen amandyqta jaratqangha ne jetsin?!
Artyq aqsha eshkimge artyqtyq etpeydi. Biraq aqsha men dýniyening sonynan jýgirip, ómirdegi eng manyzdy nәrselerdi úmytyp ketkender qanshama. Shumaher dýniyeqonyzdyqtan sonsha baylyq jinamaghan da shyghar. Ol jәy ghana óz salasynda ýzdikterding ýzdigi boldy, jaqsy tabys tapty, boldy. Biraq taghdyrdyng tosynsyiy men ómirding búralang joldary әrqaysymyzdy әr jaghagha laqtyryp tastaytyny bar...Búl jerde de aqsha eshteneni sheshpeydi.
Ashat Sadyrbaydyng әleumettik jelidegi jazbasy
Abai.kz
