2018 jyldyng sonynda ýlken ambisiyalary bar kishkentay holding Qazaqstandaghy bilim salasyn jana dengeyge shygharamyz degen biyik maqsatpen Daryn.online atty bilim beru jobasyn bastadyq. Jobanyng iydeyasyn kompaniya basshysy Aybek Quatbay jasaqtady. Qalghanymyz konsepsiyany damytugha atsalystyq.

Joba maqsaty - uaqyt pen qashyqtyqqa tәuelsiz ýzdik bilim platformasyn kópshilikke úsynu boldy. 2019 jyldyng kókteminen bastap, Qazaqstandaghy óz salasy boyynsha enbegi kóringen myqty ústazdardy jinap, viydeosabaqtar týsirudi bastadyq. Konsept qiyn biraq, qarapayym edi. Kez-kelgen pәnning ishindegi taqyrypty oqushygha 5-7 minut aralyghynda maksimum jetik týsindiru mindeti túr edi. Ol oidy Aybek aitqanda bizde azdap kýmәn bolghanyn jasyrmaymyn. Biraq, birneshe ay testing jasap, joba qúramyndaghy komanda mýsheleri bolyp dayyn bolghan sabaqtardy platformada әueli ózimiz oqyp shyqqan song ghana kónilimiz ornyna týsti.

Jalpy jobany ayaqqa túrghyzu onay bolghan joq. Birneshe ret komanda hәm múghalimder de auysty. Talay viydeolardy sol boyy platformagha shygharghan joqpyz. Qanshama tapsyrmalar men testilerdi qoldan engizip, sonsha qatelikterdi týn demey jóndeumen boldy redaktorlarymyz.

Kýzding basynda jobany kópshilikke úsynatyn kezde, jeterlik qarjy mýldem bolghan joq. Aymaqtardy birneshe ret aralaghan elshilerimiz oblystar men qalalardan senim bildirip, Qazaqstanda bolashaghy búlynghyr kóringen jobagha investisiya jasap, júmys atqarugha kelisken seriktesterdi taptyq, әiteuir. Osynda birtalay ret seriktes izdep jazylghan posttarym esterinizde bolar.

Sóitip, Daryn.online jobasy bastaldy. 2019 jyl sonyna deyin auqym keneydi. Joba barysynda jana strategiyalyq sheshimder qabyldanyp, 2020 jyldy bәsendep bastaghanymyzben, nauryz aiyna deyin Daryn.online jobasynda aqyly tәrtipte Respublikamyzdyng barsha aimaqtarynan 15 myngha juyq oqushy bilim alyp jatty. Ónimdi әleumetke úsynu barysynda bastan ótken qiyndyqtar men kedergilerdi aityp, postymdy batystyq success storyge ainaldyrugha tyryspay-aq qoyayyn. Sebebi, biz ózimizding bastapqy algha qoyghan missiyamyzdyng qiyr búryshyn da qamtyghan joqpyz.

Nauryzdyng basyndaghy janalyqtar eshkimge onay tiygen joq. Kónil aityp otyrayyn desem, ózimning de kónil kýiim joq. Sondyqtan, naqty mәselelerge ótsem deymin. Qazaqstanda bizden basqa da memlekettik hәm jekemenshik ondaghan bilim beru platformalary bar. Kópshiligi kórshiles Reseyden zatyn sol kýii alyp, atyn ózgerte salghan jobalar. Ony aiyp ta kórmeymiz hәm olardyng enbekterine kiyiz astynan mysyqpeyilde qarap jatqan biz joq. Kerisinshe, sapaly bilim beremiz dep kele jatqan niyetterine alghystan basqa aitarymyz joq. Al, Daryn.Online - qazaqstandyq joba. Eger, bergenimiz sapasyz bolsa, onda jauabymyz da osy elding azamattarynyng aldynda bolmaq.

Keshegi Tәjvirustan saqtanu sharalarymen qalalar karantinge keterden búryn elding atqaminerleri osy kezendegi eldegi jappay bilim beru isining onlayngha kóshu mýmkindigin aitqanyn bәrimiz estidik. Biraq, qalay? Qalay kóshirmek? Óitkeni, Qazaqstanda 90% qazaq tilinde bilim alatyn oqushylar ýshin onlayn bilim beretin keng sheshimderdi qarastyrghan platformalar joq edi. Bizding ózimizding olardyng barlyghyn qamty alatyn әleuetimiz ben resursymyz bolghan joq. Biraq, bar sheshimderding ishindegi salystyrmaly týrde eng qolayy әri jetigi Daryn.online edi. Sondyqtan da, bizding komanda әleumet aldyndaghy jauapkershiligimiz ben mindetterimizdi sezine otyryp, jobany karantin kezeninde tolyq aqysyz rejimde kópshilikting iygiline berudi jón sanadyq. Búl úsynyspen biz eng alghash bolyp, Bilim Ministrligine internet resurstar arqyly ýndeu jasadyq. Ministr Ashat Aymaghambetov myrza jobany kórip, ministrlik mamandary tekserip, memlekettik standartqa say ekendigine kózderi jetken son, senim bildirip mektepterge onlayn bilim alugha bolatyn platformalardyng biri retinde úsyndy.

Sol aralyqtan beri bizge búryn-sondy bolmaghan birtalay aiyptaular kele bastady. Áriyne, joba iygiligin kórip jatqan azamattarymyz shash etekten. Degenmen, aralarynyzdaghy keybir kýmәn terbegen saualdargha osy tústa jauap berip, búl taqyryptardy japsam dep otyrmyn. Óitkeni, qazir bizde búlardy talqylaugha uaqyt ta joq. Sonymen...

«Búl jobanyng artynda bireuler túr? Tabamyz!»

Joq. Ayqyn nәrseni izdep qaytesiz? "Qayssyn?" desenizder ózderi-aq kórinedi. Daryn.online jobasynyng artynda bireu emes, el bolashaghyna alandaytyn birneshe qarapayym azamattar men óz ýlesterin qosyp jatqan ondaghan bilikti ústazdar túr. Joba ayaqqa túrghan kezde birneshe kvaziymemlekettik úiymdar men jeke kompaniyalardan tolyq satyp alu úsynysy boldy. Biraq, olardyng eshqaysymen kelisim jasaghan joqpyz. Qazaqstan naryghynda eshkimning kómegi men qamqorlyghynsyz osynday joba jasay alghanymyz ýshin maqtanamyz. Bilim salasyn әri qaray damytu ýshin qolymyzdan kelgendi jasay beremiz.

«Memleketten aqshany soryp jatqan shygharsyndar!?»

Joq. Biz osy kýnge deyin jobamyz ýshin memleketten bir tiyn da aqsha alghanymyz joq. Búdan keyin de alamyz dep oilamaymyn. 2 aptadan beri Daryn.online jobasyna 10 millionday shyghyn jasadyq. Tehnikalyq mýmkindigi bir mezette 10 myng oqushygha arnalyp jýrip jatqan platformagha birneshe aptada millionnnan astam oqushy tirkelgen kezde, jaghday qalay bolghanyn oilay bersenizder bolady. Serverlerimizding tehnikalyq mýmkindigin keneytu men kontent tolyqtyrugha barlyq qarajat kompaniyamyzdyng qorynan ketti. Basqasyn aita bersek, asylyq bolar. Sondyqtan, memleketten aqsha alyp otyrsyndar degen kónilge tiyetin artyq sóz. Elge kómegimiz tiyip jatqanyna toqpyz. Al, komandamyz ýshin jaqsy tәjiriybe ghana.

«Koronavirus jaqsy boldy ghoy senderge?!»     

Joq. Kórip otyrghanynyzday, búl kesel eshkimge jaqsy bolyp jatqan joq. Osylay jalghasa beretin bolsa, jaqsy bolmaytyny da anyq. Eger, joba basshysy Aybek menen kәsiby kenes súraytyn bolsa, bәlkim jobany aqysyz etu iydeyasyn qoldamaghan bolar edim. Búl jerde mәsele basqada. Búl jaghday bizding jobagha paydasynan kóre keri effekti kóbirek bolatynyn shyramytyp otyrmyn. Erteng karantin ayaqtalghanda qanshama ata-analar men ústazdar jobanyng qaytadan aqyly formatqa auysqanyna renjigen kýii kóp negativ pikirler aitatyn bolady. Qazir oqyp jatqan oqushylardyng barlyghy bizde qalady dep oilamay-aq qoyynyz. Olardyng kóóópshiligi derlik birinshi mýmkindikte-aq akkaunttaryn mәngige úmytyp ketedi dep oilaymyn. Al, sapaly bilimge yntaly oqushylar koronavirusqa deyin de bizding jobada bar edi.

«Jandaryng ashysa ne ýshin tirkelu qoyghansyndar?» 

Ókinishke oray, bizding bilim platformamyzda "qúdayy qonaq" degen status joq. Hәm joba komandasynda Unknown oqushyny jazbay tanyp, nәtiyjesin bilip otchet berip otyratyn kóripkel-palshy mamandar da joq. Búl tehnologiya. Ústazdar óz oqushylaryn baghalauy ýshin jeke akkaunt qajet. Ol әr oqushynyng bilim alu prosesinde qay taqyrypqa kelip, testterden qanday nәtiyjemen ótkenderin kórip, qadaghalap otyrugha kómek beretin birden bir qúral. Balalarynyzdyng aty-jóni yaky kuәlik siyaqty qújattary bolmasa, mektepke qabyldanbaytyny siyaqty, jeke akkauntynyz bolmasa jobanyng barlyq mýmkindikterin qoldana almaysyz. Ol sizderding qauipsizdikteriniz ben iygilikteriniz ýshin qajet nәrse. Eger, key múghalimderimizding ózi tirkeluding ne ýshin keregin bilmey aiyptap jatsa, onda mektep múghalimin auystyruy kerek yaky oqushy mektep auystyruy kerek. Eng dúrysy sol múghalim mamandyghyn auystyruy kerek.

«Oy, osy internettering bәle boldy ghoy...»

Internetting bәlesi de berekesi de bar. Búl adamzattyng jetken eng myqty iygilikterining biri, degenmen. Osydan shiyrek ghasyr búryn qolymyzda jahannyng aqparaty bolatynyn eshkim oiyna kirgize almaytyn edi. Býkil әlem onlayn bilim beru isinde algha ketip barady. Bizding elde ol endi kele bastady. Aldaghy on jylda gibridti onlayn bilim jýiesine kóship ketsek, bilim salasynda jasaghan eng jaqsy qadamdarymyzdan bolar edi dep oilaymyn. Sondyqtan, oqushylardyng onlayn bilim alugha jәne ústazdardyng bilim beruge qazirden ýirene bastauy sol onjyldyq mejege erte jetuimizge septigin tiygizedi dep oilaymyn.

«Áueli sapaly internetpen qamtamasyz etip alyndar!»

Búl saual endi bizding jobagha emes. Biz óz qamtu ayamyzda qoldan kelgenin maksimum jasap әri berip jatyrmyz. Al, internetpen jabdyqtaumen arnayy ainalysatyn ministrlik bar. Olarda osyghan deyin talay uaqyt boldy. Biraq, mindetterin әli tolyq atqara alghan joq. Biz de ol ýshin renjulimiz. Sondyqtan, Daryn.online resursyna qoljetkizu qiyndyqtary tuyndap jatsa, onyng qarghysy men nalasyn bizge emes, basqa adreske joldanyzdar. Óitkeni, osy postty jariyalau ýshin de Almatynyng syrtyndaghy auylda jarty saghattan beri Feysbuktyng ashyluyn kýtip jýike tozyp otyr.

Áytse de, osy sәtti paydalanyp biylik basyndaghy aghalarymyzdan tez arada qala balasy men auyl balasynyng internet mýmkindikterine qoljetimdiligin tenestirudi súraymyz.

Qoryta kelsek, Daryn.online jobasy qoldanushylardyng osynday qiyn kezende bilim aluy ýshin bazalyq barlyq mýmkindikterdi beretinine senemiz. Joba kemshilikteri ýshin úrsyp jatsanyzdar basymyzdy iyip túryp uәjderinizdi tyndaymyz hәm eskeremiz. Biraq, betaldy aiyptaular men layqa oidyng astyndaghy pikirlerge qatty jauap berip jatsaq sizder aiypqa búiyrmanyzdar. Dәl qazir az uaqytqa bolsa da (solay bolghay) milliondaghan oqushynyng bilimi bizge baylanysty bolyp túr. Niyetimiz aq, peyilimiz on, әreketimiz tura. Osy kýiimizge selkeu týsirip qoymaularynyzdy ótinemiz.

Óitkeni, biz de siz siyaqty adambyz.

Sadyq Sherimbek

Abai.kz