Beysenbi, 2 Säuir 2020
46 - söz 574 0 pikir 27 Aqpan, 2020 sağat 12:11

Mekteptegi medpunkt jwmısına köñiliñiz tola ma?

2017 jıldıñ 1 qañtarınan bastap elimizdegi mektepterdegi medpunktterdiñ medicinalıq qızmetkerleri bilim beru jüyesinen densaulıq saqtau jüyesine berilgeni mälim.

«Densaulıq» memlekettik bağdarlamasına säykes engizilgen bwl özgeristiñ bastı maqsatı bilim aluşılarğa körsetiletin medicinalıq qızmet sapasın jaqsartu bolıp tabıladı. Alayda, osı bağıtta keyingi üş jılday uaqıt işinde atqarılğan jwmıs köpşiliktiñ köñilinen şığıp otır deu qiın. Biz öñirlerde bolğanımızda osı jöninde jergilikti twrğındar men densaulıq saqtau qızmetkerleri tarapınan orındı sın-eskertpeler aytıldı.

Atap aytqanda, Densaulıq saqtau ministriniñ 2017 jılğı
27 aqpandağı №39 bwyrığına säykes orta bilim beru wyımdarındağı medicinalıq punktke 500 bilim aluşığa şaqqanda 1 meyirger, şağın jiıntıqtalğan mektepterdiñ medicinalıq punkti üşin 100 bilim aluşığa şaqqanda 1 meyirger lauazımın belgileu közdelgen.

Atalmış bwyrıq elimizdiñ ortalıq, soltüstik jäne şığıs öñirlerinde qalıptasqan demografiyalıq qolaysız ahualdı, yağni bilim beru wyımdarındağı oquşılardıñ sanı köp emestigin eskermey qabıldanğanğa wqsaydı. Sonıñ saldarınan, mektepterdegi medicinalıq qızmetkerlerdiñ sanı edäuir azayğandığı bayqaladı. Öytkeni, bwrın mekteptegi medicinalıq punkttiñ meyirgeri oquşılardıñ sanına qaramastan, lauazımdıq jalaqını tolıq köleminde alatın edi. Eñbekke aqı töleudiñ jaña jüyesi olardıñ jalaqısınıñ kemuine alıp keldi.

Mısal üşin, Pavlodar oblısınıñ 387 mektebinde 2016-2017 oqu jılında 337 medicinalıq qızmetker twraqtı jwmıs istegen bolsa, 2018-2019 oqu jılında olardıñ sanı 314-ke deyin kemigen. Kerisinşe, eldi mekenderde ornalasqan fel'dşerlik-akuşerlik punktterden jergilikti mektepterge kelip, medicinalıq qızmet körsetetin medicinalıq qızmetkerler sanı 56-dan 73-ke deyin köbeygen.

Jergilikti atqaruşı organdar bilim beru mekemeleri joğarı qauipti ob'ektiler bolıp tabılatındığına baylanıstı, balalar densaulığı mäselelerin jüyeli baqılau üşin ärbir bilim beru mekemesinde jeke medicinalıq qızmetkerdiñ twraqtı türde boluın orındı sanaydı.

Bwğan qosa, Densaulıq saqtau ministriniñ atalğan bwyrığında medicinalıq qızmetkerlerdiñ eñbegine aqı töleude ädildik qağidatı saqtalmağandığın aytqan jön. Öytkeni, bilim beru wyımdarındağı oquşılardıñ ärtürli sanına qızmet körsetkenine qaramastan, medicinalıq qızmetkerler birdey jalaqı alıp jür. Mısalı, 0,75 mölşerleme alu üşin meyirger şağın jiıntıqtalğan mektepte

75 oquşığa, al orta mektepte – 375 oquşığa qızmet körsetuge tiisti.
Osı orayda elimizdegi densaulıq saqtau wyımdarında orta buın medicina mamandarı jetispeytindigin de eskergen jön. 2020 jılğı 1 qañtardağı jağday boyınşa meyirgerlerge swranıs 2987 birlikti qwradı. Al elimizde orta buın medicina kadrların dayarlaytın medicinalıq kolledjder sanı – 85. Bwl, ärine, az emes. Mäsele olar dayarlaytın kadrlardıñ sapasında bolsa kerek. Öytkeni, 8 medicinalıq kolledji bar Şımkent qalasında qazir 36 meyirger jetispeytin bolıp şıqtı. Jergilikti densaulıq saqtau mamandarınıñ aytuınşa, medicinalıq kolledjdi bitirip, diplom alıp şıqsa da, nauqasqa däri egudi bilmeytin şala mamandardı densaulıq saqtau wyımdarı jwmısqa alğıları kelmeydi.

Osı mäselege ora Prem'er-Ministrdiñ orınbasarı Eralı Toğjanovqa deputattıq saual joldap, mınaday wsınıstardı engizdim:
1.Densaulıq saqtau ministriniñ joğarıda körsetilgen bwyrığın qayta qarap, orta mektepterdegi bilim aluşılardıñ sanına qaramastan, olardağı medicinalıq punktterdiñ ärqaysısına keminde 1 meyirger lauazımın belgileu kerek;

2.Elimizdegi orta buın medicinalıq kadrlar tapşılığın eskere otırıp, medicinalıq kolledjderde dayarlanatın medicina kadrlarınıñ sanı men sapasın arttıru mäselesin qarau qajet.

Käribay Mwsırmannıñ äleumettik jelidegi jazbasınan

Abai.kz

0 pikir