Ýkimdi týsindirgen sudiya Qúiqabaeva sottyng Tәbәrikúlynyng 2020 jyldyng mausym aiyna deyin jaramdy yqtiyarhaty bolghanyn eskergenin, búghan qosa әke-sheshesi (Qazaqstan azamattary) osynda bolghandyqtan ony jaqyndarynan aiyrmaudy qajet dep tapqanyn aitty. Sudiyanyng aituynsha, "eki kýn bir kýn bolyp sanalatyndyqtan" Tәbәrikúlynyng qamaudan shyghuyna az uaqyt qaldy.

Shynjanda tughan 30 jastaghy Qytay azamaty Tilek Tәbәrikúlynyng ýstinen Qazaqstannyng qúqyq qorghau organdary 2019 jyly tamyz aiynda qylmystyq is qozghap, qazan aiynda ústaghan. Ol shamamen bir jarym-eki aidan beri Taldyqorghandaghy tergeu izolyatorynda qamauda otyr.

Ayyptau tarabynyng aituynsha, ol 2018 jyly mamyr aiynda Qazaqstan men Qytay arasyndaghy "shekarany zansyz kesip ótken". Onyng aldynda Qazaqstanda yqtiyarhatpen jýrgen ol 2017 jyly jeltoqsan aiynda Qytaygha "bilim jetildiru maqsatynda" baryp qayta almay qalghan. Qytaydyng qúqyq qorghau organdary "belgisiz sebeptermen" qújatyn alyp, qaytarmaghan. Ol birneshe aidan song Qorghas beketine baryp, reti kelgende Qazaqstan jaqqa qaray ótip ketken.

Qorghau tarabynyng aituynsha, polisiya yqtiyarhaty bar Tilek Tәbәrikúlyn "Qazaqstan azamattyghyn alayyn dep jýrgen kezde" ústaghan. Tәbәrikúly 2017 jyly qarasha aiynda Qazaqstannan azamattyq alu turaly ótinish týsirgen.

Búghan deyin prokuror Azamat Baysarov Tilek Tәbәrikúlyn alty aigha bas bostandyghynan aiyryp, bes jylgha deyin Qazaqstan aumaghynan shygharudy súraghan. Qorghau taraby prokurordyng aitqanyna qarsy bolyp, Tәbәrikúlyn ýsh aigha sottap, Qazaqstan azamattyghyn berudi súraghan. Qorghau taraby "kez kelgen jazagha "razy" bolatynyn, tek Qytaygha qaytarmaudy" súraghan.

Abai.kz