Särsenbi, 23 Qırküyek 2020
COVID-19 QAZAQSTANDA. Jwqtırğandar — 107450. Jazılğandar — 102219. Qaytıs bolğandar — 1699
Äkimniñ isi 2292 11 pikir 16 Qañtar, 2020 sağat 16:30

WQK: Bolat Baqauov qızmetin asıra paydalandı degen küdikke ilindi

QR Wlttıq qauipsizdik komiteti Pavlodar oblısınıñ äkimi Bolat Baqauovtıñ üstinen is qozğap, jedel tergeu jwmıstarın jürgizip jatır. Bwl turalı Wlttıq qauipsizdik komiteti habarladı.

Pavlodar oblısınıñ äkimi Bolat Baqauovqa qatıstı qızmet babın asıra paydalanu faktisi boyınşa ayıp tağılıp, is tirkelgen. Sol boyınşa qazir tergeu jwmıstarı jürgizilude.

"Wlttıq qauipsizdik komiteti 2020 jılğı 15 qañtarda Pavlodar oblısınıñ äkimi B. Baqauovqa qatıstı lauazımdıq uäkilettilikterin asıra paydalanu faktisi boyınşa QR QK 362-babı 2-bölimi 3-tarmağı boyınşa tirkelgen qılmıstıq iske säykes jedel-tergeu is-şaraların jürgizdi. Qazirgi uaqıtta tergeu amaldarı jalğasuda. Osı kezeñde tolıq derekter tergeu müddesinde jariyalauğa jatpaydı",- delingen vedomstvo habarlamasında.

Baqauovqa qatıstı mwnday qaueset bwğan deyin äleumettik jelide tarağan bolatın. Alayda, Pavlodar oblısınıñ äkimdigi bwl aqparattıñ resmi türde rastalmağanın aytqani.

Al bügin WQK qazir Bolat Baqauovqa qatıstı tergeu jwmıstarı jürgizilip jatqanın habarladı.

Bolat Baqauov kim?

Ol 2016 jıldıñ naurız ayında Pavlodar oblısınıñ äkimi bolıp tağayındalğan. 12 jıl äkim bolğan.

Bolat Baqauov 1971 jılı Pavlodar oblısınıñ Jelezin audanına qarastı Novokuz'minka auılında tuğan.

Bilimi

Qazaq qwqıqtanu jäne halıqaralıq qatınastar institutın (2003) "Zañ ğılımdarı" mamandığı boyınşa, Halıqaralıq biznes, ekonomika jäne käsiporındardı basqaru akademiyasın (2005) bitirgen.

Qızmeti

2008-2011 jıldar aralığında Pavlodar oblısı, Tereñköl audanınıñ äkimi,

2011-2014 jıldar aralığında  Aqsu qalasınıñ äkimi,

2014-2016 jıldar aralığında Pavlodar qalasınıñ äkimi,

2016 jıldıñ 25 naurızınan beri Pavlodar oblısınıñ äkimi qızmetin atqarıp keledi.

Ataqtarı

Hobbii - añşılıq. 2018 jılğı aqparat boyınşa jalaqısı - 744 mıñ teñge.

2002 jılı - "Eren eñbegi üşin" medalimen,

2011 jılı "QR Täuelsizdigine 20 jıl" medalimen,

2012 jılı "Oblısqa siñirgen eñbegi üşin" tösbelgisimen,

2015 jılı "Qwrmet" ordenimen,

2016 jılı "QR Täuelsizdigine 25 jıl" medalimen marapattalğan.

Äkim portreti

Bolat Baqauovtıñ qızmeti men qwzıretine qatıstı baspasözde sın az emes. Al bıltırğı jıldıñ soñında onıñ portreti qayırımdılıq aukcionında satılğanı beynelengen video äleumettik jelige tarap, jwrt qızu talqı jasağan. Beynejazbada keş jürgizuşileri - belgili äzilkeşter, Twrsınbek Qabatov pen YAroslav Melehin äkim Bolat Baqauovtıñ portretin aukcionda oynatıp jatqanı körsetilgen. Äkim portretiniñ qwnı 31 million teñgege deyin bağalanğan. Bwl ärine, jwrttıñ aşuın tuğızğan.

Sol kezde Pavlodar oblısı äkimdiginiñ baspasöz hatşısı Ernar Saytahmet BAQ-qa pikir bildirip, äkim portretiniñ qwnı äleumettik jelide aytılğan bağadan äldeqayda arzan ekenin, bar bolğanı 700 mıñ teñgege satılğanın aytqan.

Abai.kz

11 pikir