"9 qantarda Reseyding qorghanys ministrligi synaq ortalyghynyng josparly oqu-jattyghuy kezinde bir zymyrannyng bólshegi belgilengen orynnan tys jerge qúlady. Qazaqstan men Resey arasyndaghy 1995 jylghy memleketaralyq kelisimge sәikes, Resey Qazaqstan aumaghynan poligongha jalgha jer alghan. Jarylys bolghan joq" delingen ministrlik habarlamasynda.

Ministrlikting habarlauynsha, oqighadan eshkim zardap shekpegen. Túrghyndargha bólshekting qaupi joq. Oqigha ornynda polisiya jәne tótenshe jaghday mamandary júmys istep jatyr.

"Osy kelisimge sәikes Aqtóbe oblysynyng әkimdigi janyndaghy Qazaqstan-Resey komissiyasy mәn-jaydy jәne sebepterin anyqtaydy" delingen ministrlik habarlamasynda.

9 qantarda týski saghat 14:30 shamasynda Aqtóbe oblysy Bayghanin audany Noghayty auylynan eki-ýsh shaqyrym jerde auyl men zirat arasyna әueden belgisiz temir bólshegi qúlaghan. Túrghyndardyng aituynsha, audannan kelgen komissiya ol mandy qorshap, eshkimdi jolatpay qoyghan.

Jergilikti biylik sol kýni temir bólshek qúlaghanyn rastaghanmen oqighagha baylanysty týsinikteme bermedi. Qorghanys ministrligining habarlamasy oqighadan shamamen eki kýn ótkennen keyin jariyalanyp otyr.

Abai.kz