QR Preziydenti janyndaghy Qazaqstan strategiyalyq zertteuler institutynyng ghylymy qyzmetkeri Jasúlanbek Maylybay Preziydenttik jastar kadr rezervi turaly pikir bildirdi.

«Jastar jylynda qolgha alynghan iri әri manyzdy bastamalardyng biri – Preziydenttik jastar kadr rezervin jasaqtau. Búl, eng әueli, adamy kapitaldyng manyzdylyghyn kórsetken joba boldy dep esepteymin. Adamnyng qyzmettegi jetistigi, enbek ónimdiligi men túrmys sapasy tikeley onyng bilimi men biliktiligine tәueldi ekenin eskersek, әrbir kәsiby maman óz kezeginde memleket damuynyng negizgi qozghaushy kýshine ainala alady. Kadr rezervining maqsaty da dәl osynday bilimdi, bilikti, oily, talantty, tәjiriybeli jastardy irikteu boldy. Búl bayqaugha qatysugha niyet bildirgen jastar bes dengeyden túratyn, ýmitkerlerding qabilet-darynyn jan-jaqty aiqyndaugha negizdelgen test, esse, joba qorghau, qúzyrettilik boyynsha synama, әngimelesu siyaqty kezenderden ótip, 300 adam iriktelip shyqty», - dedi sarapshy QazAqparat tilshisine bergen súhbatynda.

Onyng aituynsha, joba qorytyndysy belgili bir tújyrym jasaugha mýmkindik beredi. Memleket osy arqyly meritokratiya qaghidasyna arqa sýieytinin jәne ony barynsha kýsheytetinin kórsetti.

«Qazir elimizde jastardyng sany 4 milliongha juyqtady. Búl – Qazaqstan halqynyng eleuli bóligi. Sondyqtan olardyng tyng oilaryn, jalyndy jigerin túrghyndary da jas, ózi de jas Qazaqstannyng damuyna paydalanu manyzdy. Osy arqyly memleket el jastary ýshin әleumettik liftti qamtamasyz etude. Ádiletti әleumettik lift qalyptastyru – әdiletti qogham qúrudyng da biregey joly. Osy orayda aita keterlik jayt, jastar búl jobagha tek mansapqa jetu mýmkindigi dep emes, kerisinshe, elge paydaly oilardy iske asyrudyng mýmkindigi dep qaraghany jón. Búl turaly Preziydentimiz de aitqan bolatyn», - dedi J. Maylybay.

Spiyker Preziydentting jastar kadrlyq rezervin memlekettik qyzmet salasy boyynsha qolgha alynghan irgeli sayasattyng manyzdy bóligi dep atady.

«Elbasy «100 naqty qadam» Últ josparynda tiyimdi әri kәsiby memlekettik apparat qalyptastyru kerek ekenin aitqan bolatyn. Al, Preziydent Q.K. Toqaev memlekettik qyzmetting tiyimdiligin arttyru ýshin dayyndyghy tolysqan jas kadrlardy tartu kerek degen edi. Kadrlyq rezerv osy maqsatty kózdeytinin jәne búl bastama býgin manyzdy bir mejeni baghyndyrghanyn kórip otyrmyz. Múnyng barlyghy jalpy alghanda memleketimizding strategiyalyq kadrlyq josparlau sayasaty jýielenip kele jatqanyn kórsetedi», - dedi Jasúlanbek Maylybay.

Ayta keteyik, býgin Ortalyq kommunikasiyalar qyzmetindegi baspasóz mәslihatynda QR Preziydenti Ákimshiligi Basshysynyng orynbasary Mәulen Áshimbaev Preziydenttik jastar kadr rezervine engen 300 qazaqstandyqtyng anyqtalghanyn mәlimdedi. Jenimpazdardyng ortasha jasy 31-de.

Joba jenimpazdarynyng tolyq tizimin Preziydenttik jastar kadr rezervining resmy saytynan kóruge bolady.

Abai.kz