Memleket basshysy Qasym-Jomart Toqaev Qazaqstanda akkredittelgen shet elderding diplomatiyalyq missiyalarynyng basshylarymen kezdesti.

Qazaqstan Preziydenti diplomatiyalyq korpus ókilderimen kezdesuding jaqsy dәstýrge, ekijaqty jәne kópjaqty yntymaqtastyqty nyghaytatyn manyzdy sharagha ainalghanyn atap ótti. Qasym-Jomart Toqaev múnday dialog elimizding ishki jәne syrtqy sayasatyndaghy basymdyqtaryn talqylaugha mýmkindik beretinin aitty.

– Biz elimizde tengerimdi sayasy janghyrudy birtindep jýzege asyramyz. Ekonomikalyq yntymaqtastyq jәne damu úiymyna mýshe jetekshi elderding standarttaryna basymdyq beremiz. Ýkimet osy maqsatqa jetu jolynda batyl әri nyq qadam jasaydy. «Kýshti Preziydent – yqpaldy Parlament – esep beretin Ýkimet» – Qazaqstannyng memlekettik jýiesining negizgi nyshandary, – dedi Memleket basshysy.

Preziydent diplomatiyalyq missiya basshylaryna «halyq ýnine qúlaq asatyn memleket» tújyrymdamasynyng jýzege asyryluy, Últtyq qoghamdyq senim kenesi turaly aitty.

– Ýkimet azamattardyng túrmystyq qajettilikterine uaqytyly kónil bólu ýshin júmys istep jatyr. Memleket basshysy retinde qoghamdaghy pluralizmdi qoldap, ony ilgeriletu maqsatynda sayasy partiyalardyng damuyna mýddelimin. Sondyqtan qazirgi uaqytta beybit sherulerding ótkiziluin retteytin zannamalyq normalar qayta qaraluda. Biz barlyq memlekettik organdardyng esep beruin arttyru ýshin azamattyq instituttardyng rólin kýsheyte týsemiz, – dedi Qasym-Jomart Toqaev.

Preziydent qúqyq qorghau jәne sot jýiesin reformalau turaly aita kelip, memleketting әl-auqatyn arttyru isi atalghan instituttargha degen halyqtyng senimine baylanysty ekenine toqtaldy.

– Memlekettik apparattyng sayasy túraqtylyghy men tiyimdiligin ekonomikalyq ósimnen bólip qaraugha bolmaydy. Búl baghytta birqatar jetistikter bar. 2019 jyldyng 10 aiynda elimizding jalpy ishki ónimi 4,4 payyzgha ósti. Doing Business-2020 reytinginde Qazaqstan 25-orynda. Bәsekege qabilettilikting jahandyq indeksinde elimiz 55-orynda túr. Aldaghy bes jyl ishinde halyqaralyq reytingtegi pozisiyamyzdy aitarlyqtay jaqsartudy josparlap otyrmyz, – dedi Qazaqstan Preziydenti.

Qasym-Jomart Toqaev Qazaqstannyng halyqaralyq yntymaqtastyq ýshin búrynghyday ashyq ekenin, strategiyalyq seriktestermen jәne barlyq mýddeli eldermen konstruktivti әri tengerimdi yqpaldastyq ornatu sayasatyn jalghastyra beretinin atap ótti. Syrtqy sayasatymyzda jahandyq konfessiyaaralyq kelisimge, tózbeushilik jәne radikalizm iydeologiyasyn taratugha qarsy kýreske basa mәn beremiz.

– Biz ónirlik jәne jahandyq túraqtylyqty qamtamasyz etuge baghyttalghan konstruktivti bastamalardy ilgeriletemiz jәne qoldaymyz. Búl, eng aldymen, aziyalyq jәne euroaziyalyq qauipsizdikti nyghaytu, yadrolyq jәne terroristik qauip-qaterlerding aldyn alu, – dedi Memleket basshysy.

Preziydentting aituynsha, Resey Federasiyasymen, Qytaymen, AQSh-pen, Europalyq Odaq jәne Ortalyq Aziya elderimen ózara qarym-qatynas ornatu Qazaqstannyng syrtqy sayasatyndaghy basym baghyty bolyp qala beredi. Sonymen qatar Qasym-Jomart Toqaev Qazaqstannyng halyqaralyq úiymdar men qarjy instituttary ayasynda kópjaqty yntymaqtastyq pen yqpaldastyqty damytu jónindegi júmystardy jalghastyra beretinin aitty.

Kezdesu sonynda qalyptasqan dәstýr boyynsha diplomatiyalyq korpustyng duayeni – Belarusi Respublikasynyng Qazaqstandaghy elshisi Anatoliy Nichkasov sóz sóiledi.

Preziydent Qasym-Jomart Toqaevtyng sóilegen sózining tolyq núsqasymen myna silteme arqyly tanysa alasyz.

Abai.kz