Seysenbi, 10 Jeltoqsan 2019
709 3 pikir 8 Qaraşa, 2019 sağat 13:11

N'yu-York sotı Trampqa eki million dollar ayıppwl saldı

N'yu-York sotı AQŞ prezidenti Donal'd Tramptı birneşe kommerciyalıq emes wyımğa 2 mln dollar köleminde ayıppwl töleuge mindettedi. Prokuratura Tramptı Trump Foundation qayırımdılıq qorın jeke sayasi jäne biznes müddesi üşin paydalandı dep ayıptadı. Bwl aqparattı "Amerika dauısı" saytı habarladı.

N'yu-Yorktiñ bas prokuraturası 2018 jılı jazda sotqa şağım tüsirgen. Onda Tramp pen onıñ üş balasınıñ saylau kampaniyasın qarjılandıru turalı zañnamanı bwzğanı aytılğan. Qordıñ kömegimen jinalğan üş million dollarğa juıq qarajat Tramptıñ 2016 jılğı saylaualdı kampaniyası kezinde qoldanılğan. Prokuratura dereginşe, Tramp qarjınıñ bir böligin qajetine jaratqan.

Tramp qor aqşasın paydalanu turalı şeşimdi özi qabıldağanın moyındadı. N'yu-Yorktiñ bas prokuraturası men prezident ayıppwl kölemin sud'ya şeşedi dep kelisken.

Ötken ayda Tramptıñ zañgerleri jäne N'yu-Yorktiñ bas prokuraturası qordı taratıp, onıñ qarjısın kommerciyalıq emes wyımdarğa ülestiruge kelisken.

Tramp töleytin ayıppwl men Trump Foundation qorınıñ qalğan aqşası segiz kommerciyalıq emes wyımğa teñdey bölinedi. Qarjı ülestiriletin qorlardıñ arasında tegin tamaq taratatın jäne afroamerikalıq azamattardı oqıtu, Holokos qwrbandarın eske alu muzeyi bar.

Abai.kz

3 pikir