Eki jyl búryn shartty jazamen bosatylghan belsendi probasiya qyzmetining tyiymyna baylanysty Almaty qalasy aumaghynan shygha almay otyrghanyn habarlady. Belsendi búl sózin 1 qarashada keshke Facebook jelisinde bolghan tikeley efir kezinde aitty.

Ol bastamashyl toppen birge 2-8 qarasha kýnderi Qazaqstannyng batys ónirin aralap, jaqtastarymen kezdespek bolghan. Biraq 1 qarashada Qarasay audandyq probasiya qyzmeti "qadaghalau sharalary kýsheygenin aityp, qaladan shyghugha tyiym salghan".

Belsendining sózinshe, partiya qúratynyn mәlimdegennen keyin probasiya qyzmeti búrynghyday aiyna bir ret emes, bes ret kelip, tirkeludi mindettegen. Ol búl shekteulerdi qoghamdyq-sayasy belsendiligimen baylanystyrady.

- Osy uaqytqa deyin filim týsirgende de, ózimning sharualarym boyynsha barghan kezde de aryzymdy jazyp, tirkelip, eshqanday problemasyz baryp-kelip jýrdim. Al qazir jibermey otyr, - dedi Janbolat Mamay 1 qarashada Azattyqqa. ​

Advokat Janar Balghabaevanyng aituynsha, sot Janbolat Mamaydyng jurnalistik qyzmetpen ainalysuyna ghana tyiym salghan. Al qoghamdyq-sayasy qyzmetpen ainalysa alady. Advokattyng sózine qaraghanda zang boyynsha eger Mamay basqa qalagha barsa, Almatydaghy probasiyalyq baqylau qyzmetine eskertip, baratyn jerdegi probasiyalyq baqylaugha tirkelui tiyis.

- Onyng qaladan shyghuy problema bolmauy kerek. Probasiya qyzmetine sapar jayly aitu - búl eskertu sipatyndaghy nәrse, - dedi advokat.

Onyng aituynsha, probasiya baqylauyndaghy adam "ereje búzady" degen qauip tuyndasa, mekemening tirkelu prosedurasyn jiyiletuge qúqyghy bar. Naqty jaghdayda "Mamaydy bes ret tirketuge mindetteu onyng qoghamdyq-sayasy qyzmetimen baylanysty boluy mýmkin" dep topshylaydy.

Búryn tәuelsiz "Tribuna" gazetin basqarghan jurnalist, qogham belsendisi Janbolat Mamay "Múhtar Áblyazovtan qarjy aldy" dep aiyptalyp, shartty jazamen bosatylghan. Sot oghan ýsh jyl jurnalistik qyzmetpen ainalysugha tyiym salghan. Janbolat Mamay ózine taghylghan aiypty moyyndamaghan. ​

Abai.kz