Биыл тест сынағын тапсырғандарға берілетін мемлекеттік білім гранттарын бөлу мәселесін қарастырған республикалық комис­сия өз жұмысын қоры­тын­дылап, грант иегерлерін анықтады.

Көпшілік сарыла күткен конкурс нәтижесін назарларыңызға ұсынамыз. Бұл сілтемеден толық тізімді табатыныңызды ескертеміз.

Биыл жалпы 37 932 грант бөлінген. Оның ішінде, 35 082 грант 1 курсқа қабылдау үшін (күндізгі оқу нысаны бойынша – 34 782, сырттай оқу нысаны бойынша – 300 грант), 2850 орын – жоғары оқу орындарының дайындық бөлімдері үшін бөлінген. Техникалық ғылымдар мен технологиялық мамандықтарға - 13 670 грант, педагогикалық мамандықтарға - 8 235 грант, ауыл шаруашылығы мен ветеринарлық мамандықтарға - 2 682 грант, медициналық мамандықтарға 3 150 грант қарастырылған. Бұл ретте мемлекеттік білім беру тапсырысын орналастыруға жіберілген жоғары оқу орындарының тізімі кеңейтілген.

Білім грантын тағайындау конкурсына 63 169 адам қатысқан. Оның ішінде 49 858 адам  – қазақ тіліндегі оқу бөліміне, 13 311 адам – орыс тіліндегі оқу бөліміне тапсырған. «Мәңгілік ел жастары – индустрияға!» жобасы шеңберінде квота бойынша оқуға 9 148 адам конкурсқа қатысқан.

Білім грантын иеленгендердің тізімі мына сілтемедеде де бар.

Abai.kz