بيىل تەست سىناعىن تاپسىرعاندارعا بەرىلەتىن مەملەكەتتىك ءبىلىم گرانتتارىن ءبولۋ ماسەلەسىن قاراستىرعان رەسپۋبليكالىق كوميس­سيا ءوز جۇمىسىن قورى­تىن­دىلاپ، گرانت يەگەرلەرىن انىقتادى.

كوپشىلىك سارىلا كۇتكەن كونكۋرس ناتيجەسىن نازارلارىڭىزعا ۇسىنامىز. بۇل سىلتەمەدەن تولىق ءتىزىمدى تاباتىنىڭىزدى ەسكەرتەمىز.

بيىل جالپى 37 932 گرانت بولىنگەن. ونىڭ ىشىندە، 35 082 گرانت 1 كۋرسقا قابىلداۋ ءۇشىن (كۇندىزگى وقۋ نىسانى بويىنشا – 34 782, سىرتتاي وقۋ نىسانى بويىنشا – 300 گرانت), 2850 ورىن – جوعارى وقۋ ورىندارىنىڭ دايىندىق بولىمدەرى ءۇشىن بولىنگەن. تەحنيكالىق عىلىمدار مەن تەحنولوگيالىق ماماندىقتارعا - 13 670 گرانت، پەداگوگيكالىق ماماندىقتارعا - 8 235 گرانت، اۋىل شارۋاشىلىعى مەن ۆەتەرينارلىق ماماندىقتارعا - 2 682 گرانت، مەديتسينالىق ماماندىقتارعا 3 150 گرانت قاراستىرىلعان. بۇل رەتتە مەملەكەتتىك ءبىلىم بەرۋ تاپسىرىسىن ورنالاستىرۋعا جىبەرىلگەن جوعارى وقۋ ورىندارىنىڭ ءتىزىمى كەڭەيتىلگەن.

ءبىلىم گرانتىن تاعايىنداۋ كونكۋرسىنا 63 169 ادام قاتىسقان. ونىڭ ىشىندە 49 858 ادام  – قازاق تىلىندەگى وقۋ بولىمىنە، 13 311 ادام – ورىس تىلىندەگى وقۋ بولىمىنە تاپسىرعان. «ماڭگىلىك ەل جاستارى – يندۋسترياعا!» جوباسى شەڭبەرىندە كۆوتا بويىنشا وقۋعا 9 148 ادام كونكۋرسقا قاتىسقان.

ءبىلىم گرانتىن يەلەنگەندەردىڭ ءتىزىمى مىنا سىلتەمەدەدە دە بار.

Abai.kz