Jwma, 18 Qazan 2019
Bizdiñ şeneunik 1697 30 pikir 9 Qazan, 2019 sağat 12:06

Qazıbek Isa: Moñğoliya tügili reseymen de qazaqşa söylesuimiz kerek!

Aldağı aptadağı Qazaqstan men Moñğoliya ükimetteriniñ elordamızda ötetin kezdesui orıs tilinde ötpekşi bolıp,  ükimet jantalasıp orıs-moñğol tilin biletin tilmaş izdep jatqan körinedi. Belgili jurnalist-jazuşı Quandıq Şamaqaywlı Feysbuk paraqşasında jazuı boyınşa oğan da osınday ötinişpen habarlasıptı. Biraq bükil Ükimetten tabılmağan  wlttıq namıs – Şamaqaywlınıñ şamına tiip,   bas tartıptı. Pwl üşin emes, Til üşin qarjılıq paydalı wsınıstan bas tartqan Quandıq mırzanıñ qazaqtıq namısına bek rizamız! Bwl turalı Abay.kz saytı da sınap jazdı.

Eger Moñğol prem'er-ministri Hürelsühpen Qazaq prem'er-ministri Asqar Mamin bwl eki elge de eş qatısı joq aydaladağı Resey tilinde söylesetin bolsa, Maminniñ otstavkağa ketuin talap etuimiz kerek!   Bwl – Qazaq tilin- Memlekettik tildi – Memleketti qorlau!

Eldik qasiet,  Wlttıq namıs bar bolsa,  Täuelsiz Qazaq Eli Moñğoliya tügili Reseydiñ özimen Qazaqstanda ğana emes, Mäskeude de Qazaq tilinde söylesui kerek audarmaşı arqılı. Sonda ğana olar bizdiñ osıdan otız jılday bwrın Täuelsizdik alğanımızdı esterine tüsiruge tırısadı…. Sonda ğana «qazaqtardıñ öz eli bolmağan, öz tilderi joq» dep jürgen Jirinovskiy siyaqtılar oylana bastaydı…  Azattıq alğanımızğa attay otız jılday uaqıt ötse de bwnday oy bastarı tügil üş wyıqtasa da tüsterine de kirmeytin, bwnday talap estise talıp qalatın bizdiñ ükimetten ne ümit, ne qayır?!.  Al  tuısımız, halqı bizden eki ese az Äzirbayjan eliniñ demokrat prezidenti Äbülfeyz Elşibey 1992 jılı-aq Mäskeude audarmaşı arqılı äzirbayjan tilinde söyleskeni belgili… Äy, biraq bwnı biletin bizdiñ Ükimet bar ma?

Osı bizdiñ bilikte qazaqtildilerge  qarsı, orıstildilerdiñ wyımdasqan wyımı bar-au deymin… Äytpese, Quandıq Şamahaywlınıñ «qazaq-moñğol tilinde audarmaşı bolıp bereyin» degenine nege qarsı boladı?

Bwdan keyin Ükimet otırısın, elimizdegi de, şetelderdegi de halıqaralıq kezdesulerdi qatañ qadağalap otıruımız kerek!

Qazaquni.kz

Qazıbek Isa

Abai.kz

30 pikir