Senbi, 16 Qaraşa 2019
Bilgenge marjan 1956 9 pikir 24 Qırküyek, 2019 sağat 11:41

Düniejüzilik tazalıq küni: Qazaqstan «ğalamşardı tolıq tazalau» is-şarasına qosıldı

«Ğalamşardı tolıq tazalau» — wyımdastıruşılar demalıs künderi ötken  Düniejüzilik tazalıq künin osılay ataydı.  İs-şara 21 qırküyek küni qatarınan 11 jıl boyı ötkizilip keledi.

2008 jılı estoniyalıqtar bastağan nauqanğa biıl Qazaqstandı qosa alğanda, şamamen 160 el qatısuda. Senbiniñ tañı atısımen qazaqstandıq qalalar köşelerine ekologiyalıq jağdayğa nemqwraylı qaramaytın mıñdağan adamdar, sonday-aq iri qazaqstandıq kompaniyalardıñ ökilderi şıqtı.

Mısalı, Almatıda «Filip Morris Qazaqstan» JŞS kompaniyasınıñ 100-den astam qızmetkerleri men otbası müşeleri düniejüzilik  nauqanğa qatısıp, Butakovka şatqalınıñ aumağın qoqıstan tazaladı. Twrmıstıq qaldıqtar, qwrılıs jäne basqa da qoqıstar qaptarğa jinalıp, utilizaciyağa tasıp şığarıldı, al plastik bötelkeler men şını ıdıstar qayta öñdeuge tapsırıldı. Nätijesinde, kompaniya eriktileri Butakovka şatqalı aumağında birneşe sağat işinde qoqıs jinap,  30 Tyan'-Şan' şırşasın otırğızdı.

«Butakovka şatqalı Almatı mañındağı adamdar eñ jii baratın tabiği ob'ektilerdiñ biri bolıp tabıladı jäne biregey taulı aymaqtı taza wstau – bwl ärbir qala twrğınınıñ mindeti.  «Filip Morris Qazaqstan» JŞS kompaniyası öndiriste de, zauıttan tıs jerde de qorşağan ortanı qorğauğa ülken köñil böledi. Osınday ärbir kişkentay qadam bizdiñ qoqıstan taza el bolu degen maqsatımızğa birtaban jaqın etedi», - atap öttiStanislav Borovickiy, «Filip Morris Qazaqstan» JŞS eñbekti jäne qorşağan ortanı qorğau böliminiñ basqaruşısı.

Nauqannıñ negizgi mindetteriniñ biri – jwrtşılıqtıñ barınşa nazarın qorşağan ortanı qaldıqtarmen lastau mäselesine, qoqıstı bölek jinau men qayta öñdeuge, ekologiyalıq ömir saltına, derbes ekologiyalıq izdi azaytuğa jäne twraqtı damuğa audaru.

Biıl nauqan 2019 jıldıñ 20 şildesinde Qoyandı su qoymasında bastalğan #Birge #TazaQazaqstan respublikalıq ekologiyalıq qozğalısı ayasında ötkizildi.

Abai.kz

9 pikir