Jeksenbi, 15 Qırküyek 2019
815 2 pikir 12 Qırküyek, 2019 sağat 11:16

Qazaqstan Prezidenti Qıtay Törağasımen kelissözder jürgizdi

Qazaqstan Prezidenti Qasım-Jomart Toqaev QHR Törağası Si Czin'pinmen kelissözder jürgizdi.

Qasım-Jomart Toqaev pen Si Czin'pinniñ resmi kezdesuiniñ saltanattı şarası barısında Qazaqstan Respublikası men Qıtay Halıq Respublikasınıñ memlekettik Änwrandarı orındaldı. Qwrmetti qarauıl bastığı raport berdi. Memleketter basşıları Qwrmetti qarauıldıñ qatarın aralap şıqtı. Sodan keyin Qwrmet qarauılınıñ rotası Qazaqstan Prezidenti men Qıtay Törağasınıñ aldınan sap tüzep ötti. Zeñbirekterden dürkin-dürkin oq atılıp, Memleketter basşılarına qwrmet körsetildi.

Saltanattı şara ayaqtalğan soñ Qasım-Jomart Toqaev pen Si Czin'pin kelissöz zalına ötti.

Qazaqstan Prezidenti qıtay köşbasşısımen Bişkekte ötken Şanhay Intımaqtastıq Wyımınıñ sammitinen keyin arağa birneşe ay salıp, qayta jolıqqanına öte quanıştı ekenin ayttı. Qasım-Jomart Toqaev QHR Törağasına qonaqjaylıq körsetkeni üşin rizaşılıq bildirip, qıtay köşbasşısınıñ dosı, Qazaqstannıñ Twñğış Prezidenti Nwrswltan Nazarbaevtıñ sälemi men ıstıq ıqılasın jetkizdi.

– Bizdiñ kezdesuimiz QHR-nıñ 70 jıldıq mereytoyı qarsañında ötip otır. Osı sätti paydalanıp, Sizdi jäne twtas qıtay halqın aytulı datamen qwttıqtağım keledi. Qıtay bwl mereytoyğa äleumettik-ekonomikalıq jäne sayasi damu twrğısınan zor jetistikpen jetip otır. Osı oqiğa tek Qıtay Halıq Respublikası üşin ğana emes, külli älem üşin tarihi mänge ie dep oylaymın. Sizdiñ memlekettiñ damuı düniejüziniñ jiti nazarında,– dep atap ötti Memleket basşısı.

Memleket basşısınıñ aytuınşa, osı jetpis jıldıq jol qıtay üşin öte auır boldı. Biraq 1970 jıldardıñ soñında Den Syaopinniñ basşılığımen qolğa alınğan reformalardıñ arqasında qıtay halqı öz damuında orasan zor jetistikke jetti.

– Qıtaydıñ tabıstarı memleketterimiz arasındağı ıntımaqtastıqtı damıtu üşin berik negiz boladı dep sanaymız. Bügin biz Birlesken mälimdemege qol qoyamız. Bwl qwjat boyınşa Qazaqstan men Qıtay wzaqmerzimdi, strategiyalıq jäne jan-jaqtı seriktestikti damıtuğa beyildi ekenin körsetedi. Joğarı deñgeyde qol jetkizgen uağdalastıq eki el arasındağı ıntımaqtastıqtı odan äri damıtu üşin salmaqtı qwqıqtıq jäne sayasi baza bolıp tabıladı, – dedi Qazaqstan Prezidenti.

QHR Törağası Si Czin'pin öz sözinde Qazaqstannıñ Ortalıq Aziyadağı iri el sanalatının jäne Ortalıq Euraziyada ülken ıqpalı bar ekenin ayttı.

– Qazaqstannıñ Twñğış Prezidenti Nwrswltan Nazarbaevtıñ basşılığımen elderiñiz zor tabısqa qol jetkizdi, wlttıq erekşelikke negizdelgen damu ülgisin qwrdı. Siz Prezident bolğannan keyin öziñizdiñ sabaqtastıq, ädilettilik jäne ilgerileu jönindegi üş wstanımıñızdı jariyaladıñız. Ekonomikanı damıtudı, jwmıs orındarın aşudı, sıbaylas jemqorlıqpen küresudi, äleumettik qorğau deñgeyin köterudi aldıñızğa maqsat etip qoydıñız. Bwl – Qazaqstan halqınıñ ümitin aqtaydı.  Sizdiñ barlıq bastamalarıñız osığan bağıttalğan. Dostas Qazaqstan halqına baq-bereke jäne tabıs tileymin, – dedi Qıtay köşbasşısı.

Qazaqstan Prezidenti Qasım-Jomart Toqaev pen Qıtay Halıq Respublikasınıñ Törağası jürgizgen kelissözder qorıtındısı boyınşa mınaday qwjattarğa qol qoyıldı:

- Memleketter basşılarınıñ birlesken mälimdemesi;

- Qazaqstan Respublikasınıñ Ükimeti men Qıtay Halıq Respublikası Ükimetiniñ arasındağı aviaciyalıq izdeu jäne azamattıq äue kemelerin qwtqaru salasındağı ıntımaqtastıq turalı kelisim;

- Qazaqstan Respublikasınıñ Ükimeti men Qıtay Halıq Respublikası Ükimetiniñ arasındağı «Nwrlı jol» jaña ekonomikalıq sayasatı (NJ JES) men «Jibek jolınıñ ekonomikalıq beldeui» (JJEB) qwrılısın wştastıru jönindegi ıntımaqtastıq josparın jüzege asıruğa baylanıstı özara kömek turalı memorandum;

- Qazaqstan Respublikasınıñ Ükimeti men Qıtay Halıq Respublikası Ükimetiniñ arasındağı QHR Ükimetiniñ Qazaqstan tarapına superkomp'yuter beru jobası jönindegi ıntımaqtastıq turalı kelisim;

- Qazaqstan Respublikasınıñ Sauda jäne integraciya ministrligi men Qıtay Halıq Respublikasınıñ Kommerciya ministrligi arasındağı özara tüsinistik turalı memorandum;

- Qazaqstan Respublikasınıñ Auıl şaruaşılığı ministrligi men Qıtay Halıq Respublikasınıñ Bas keden basqarması arasındağı Qıtay Halıq Respublikasına Qazaqstan Respublikasınan eksporttalatın süt önimderine qoyılatın inspekciyalıq, karantindik jäne veterinarlıq-sanitarlıq talaptar jönindegi hattama;

- Qazaqstan Respublikasınıñ Auıl şaruaşılığı ministrligi men Qıtay Halıq Respublikasınıñ Bas keden basqarması arasındağı Qıtay Halıq Respublikasına Qazaqstan Respublikasınan eksporttalatın jün şikizatına qoyılatın inspekciyalıq, karantindik jäne veterinarlıq-sanitarlıq talaptar jönindegi hattama;

- Qazaqstan Respublikasınıñ Qarjı ministrligi men Qıtay Halıq Respublikasınıñ Bas keden basqarması arasındağı ziyatkerlik menşik qwqığın şekara mañı qorğau salasındağı ıntımaqtastıqtı nığaytu jönindegi memorandum;

- Qazaqstan Respublikasınıñ Auıl şaruaşılığı ministrligi men Qıtay Halıq Respublikasınıñ Bas keden basqarması arasındağı Qıtay Halıq Respublikasına Qazaqstan Respublikasınan eksporttalatın zığırğa qoyılatın inspekciyalıq, karantindik jäne veterinarlıq-sanitarlıq talaptar jönindegi hattama;

- Qazaqstan Respublikası men Qıtay Halıq Respublikası arasındağı keden şekarası arqılı tauarlar men kölik qwraldarın alıp ötu turalı aldın ala aqparat almasu jönindegi tehnikalıq specifikaciya.

Abai.kz

2 pikir