Düysenbi, 16 Qırküyek 2019
Äleumet 554 0 pikir 10 Qırküyek, 2019 sağat 11:36

«Niet» telejobasında kömek körsetilgen 1 jasar säbi şetelde em aluğa attandı

Bügin «Qazaqstan» Wlttıq telearnasınan «Niet» äleumettik jobasınıñ twsauı kesildi. Jwmıs künderi 12:00-den bastap 2 sağat boyı tikeley efirde körsetiletin jobada kömekke zäru jandardıñ mäselesi köteriledi. Bağdarlama wjımı är keyipkerge psihologiyalıq kömekti aytpağannıñ özinde, san-salalı mäseleler boyınşa naqtı qoldaular wsınadı.

9 qırküyek küngi bağdarlamanıñ alğaşqı şığarılımında auır dertke şaldıqqan bir jasar Ämir Berğannıñ oqiğası köterildi. «Niet» äleumettik jobasınıñ şığarmaşılıq tobı Ämirge kömek qajet ekenin aytıp, qolwşın sozuğa nietti azamattarğa qwlaqqağıs etken bolatın. Sonıñ nätijesinde jomart jandardıñ biri 1 mln. teñge audarıp, Ämir anasımen Türkiya eline attandı. Tikeley efir barısında tağı bir körermen qoñırau şalıp, büldirşinniñ emine qajetti qarjını beruge dayın ekenin jetkizdi.

Bwğan qosa, studiyağa kelgen özge de birneşe keyipkerdiñ armanı orındaldı. Jobanıñ 10 qırküyek küngi şığarılımında köpbalalı otbasığa päter kilti tabıstalatın boladı.

«Niet» jobası mwqtaj jandar men qolı aşıq qalıñ bwqaranıñ arasında köpir boludı maqsat etken.  Mwñ-mwqtajın aytıp kelgen jandarğa är habarda kömek körsetu josparlanğan. Bwğan tikeley efirge habarlasu arqılı qolwşın sozuğa nietti är adam atsalısa aladı.

Kömekke zäru jandardıñ ötiniş-tilekteri +7 776 535 0751, +7 701 555 0751 nömirleri boyınşa kez kelgen uaqıtta qabıldanadı. Habar barısında saual joldap, pikir bildiru üşin 8 (717) 2 75 71 71, +7 701 5550751 (Whatsap) baylanıs telefondarı jwmıs isteydi.

;feature=youtu.be

Abai.kz

0 pikir