Seysenbi, 17 Qırküyek 2019
Alaşorda 3555 0 pikir 19 Tamız, 2019 sağat 10:38

«Wlı Abaydıñ izimen...» attı ekspediciya jolğa şıqtı

Elorda äkimdiginiñ «Ruhaniyat» KMM wyımdastıruımen «Wlı Abaydıñ izimen...» attı ekspediciya jolğa şıqtı.

Ruhani sapardıñ maqsatı – Memleket Basşısınıñ tapsırması ayasında «Ruhani jañğıru» bağdarlaması men «Wlı dalanıñ jeti qırı» bağdarlamalıq maqalasınıñ mañızdılığı men özektiligin jan-jaqtı dəripteu.

Abay Qwnanbaywlınıñ jürip ötken jerleri arqılı Wlı aqınnıñ mol mwrasın elge paş etu. Ölketanu jwmıstarın jandandıruğa atsalısu. Wlı dalanıñ ruhani qazınaların nasihattau arqılı halıqtı twtastıqqa, birlikke şaqıru.

16-19 tamız aralığında bir top tarihşı-ğalımdar, qoğam qayratkerleri, abaytanuşılar men jurnalist-blogerden qwralğan ekspediciya Nwr-Swltannan bastap Qarqaralı – Abıralı – Qaynar – Qarauıl – Semey – Pavlodar bağıtımen jürip ötpek.

-Häkim Abaydıñ 175 jıldığına oray «Ruhaniyat» ortalığı danışpan babamız düniege kelgen osı tamız ayında birqatar is-şaralardı wyımdastırıp keledi. «Adamzattıñ Abayı» attı festival' ayasında 8-31 tamız aralığında birqatar şaralar ötedi dep josparlanğan. Sonıñ biri – «Wlı Abaydıñ izimen...» attı ruhani sapar. Öskeleñ wrpaqtıñ boyındağı wlttıq immunitetti köterip, jastardıñ sanasına ülgi twtar twlğanı qalıptastıru jäne eñ bastısı wlttıq bolmıstı jañğırtuda mwnday biregey şaralardıñ qolğa alınğanı elimiz üşin paydalı, - deydi «Ruhaniyat» KMM basşısı Erjan Eñsebay.

Abai.kz

0 pikir