Jwma, 18 Qazan 2019
496 0 pikir 31 Şilde, 2019 sağat 18:12

Elbası tapsırmasımen jwmıssızdıqpen küres jandandı

Täuelsizdik alğan jıldardan beri Qazaqstan Respublikasınıñ Twñğış Prezidenti – Elbası Nwrswltan Äbişwlı Nazarbaev eldiñ äl-auhatın köteru, azamattardıñ tabısın arttıru üşin bar küşin salıp jwmıs istep keldi. Onı bärimiz jaqsı bilemiz. 

Elbasınıñ är jılı Qazaqstan halqına joldaytın joldauları jaylı basınan bastap qayta aytıp jatudıñ özi artıq. Onı ärbir qazaqstandıq jaqsı biledi. Tipti jıl sayınğı joldaudı asığa kütedi desek artıq aytqandıq emes.

Däl osınday joldaularınıñ birin Elbası ötken jılı besinşi qazanda joldadı. Kezekti joldaudıñ atauı «Qazaqstandıqtardıñ äl-auqatınıñ ösui: tabıs pen twrmıs sapasın arttıru» dep ataladı. Bwl Joldauında Elbası el ükimetine, är saladağı barlıq basşılarğa otandastarımızdıñ twrmıtıq äl-ahualın joğarlatu maqstında tınbay jwmıs isteu kerek ekenin ayttı.

Osı joldaudıñ birinşi tarauı "Halıq tabısınıñ ösui" dep ataldı. Bwnda Nwrswltan Äbişwlı halıqtıñ tabısın arttıru üşin qalay jwmıs jasau kerek ekenin tüsindirip berdi. Memleket pen adamdardıñ küş biriktiruiniñ arqasında ğana biz Jalpığa ortaq eñbek qoğamın qwra alamız degen naqtı tapsırmasın jetkizdi Elbası Nwrswltan Nazarbaev.

"Adam eñbekqor bolıp, öz käsibin jaqsı meñgergende jäne layıqtı jalaqı aluğa nemese jeke käsip aşıp, onı damıtuğa mümkindik bolğan kezde tabıs artadı. Memleket pen adamdardıñ küş biriktiruiniñ arqasında ğana biz Jalpığa ortaq eñbek qoğamın qwra alamız. Birinşiden, Ükimetke 2019 jıldıñ 1 qañtarınan bastap eñ tömengi jalaqını 1,5 ese, yağni 28 mıñnan 42 mıñğa deyin ösirudi tapsıramın. Bwl barlıq sala boyınşa türli menşik nısandarındağı käsiporındarda jwmıs isteytin 1 million 300 mıñ adamnıñ eñbekaqısın tikeley qamtidı. Byudjettik mekemelerde jwmıs isteytin 275 mıñ qızmetkerdiñ eñbekaqısı köbeyip, orta eseppen 35 payızğa ösedi. Osı maqsattarğa 2019-2021 jıldarda  respublikalıq byudjetten jıl sayın 96 milliard teñge bölu kerek. Osığan oray, endi, eñ tömengi jalaqı  eñ tömengi künköris şegine baylanıstı bolmaydı. Eñ tömengi jalaqınıñ jaña mölşeri bükil ekonomika auqımındağı eñbekaqı ösiminiñ katalizatorına aynaladı. Tömen jalaqı alatın qızmetkerlerdiñ eñbekaqısın köteruge qatıstı bwl bastamanı iri kompaniyalar qoldaydı dep senemin", - dedi Elbası Qazaqstan halqına arnağan Joldauında.

Elbasınıñ osı tapsırmasına oray ötken jıldan bastap elimizdiñ är öñirinde jergilikti basşılar halıqtıñ jalaqsın köteru bağıtında tınbay jwmıs jasadı. Äli de osı maqsatta köptegen igi şaralar qolğa alınuda.

Sözimizdiñ däleli retinde jaqında ğana orın alağan mına ülgili oqiğanı söz eteyik. Atap aytqanda, eldegi köşbasışı partiya «Nur Otan» partiyasınıñ Qızılorda oblıstıq filialı törağasınıñ birinşi orınbasarı Aqmaral Älnazarova öñirdegi azamattardıñ arız-tilekterin tıñdau üşin jeke qabıldau ötkizdi. Atalğan jeke qabılau şilde ayınıñ jiırma ekinşi jwldızınan bastap, Qızılorda qalasına qarası barlıq auıl-audan sındı eldi mekenderde ötti.

Osı jolğı qoğamdıq qabıldau aldın-ala belgilengen arnayı kestege say, aldımen Sırdariya audandıq filialınıñ qoğamdıq qabıldau bölmesinde wyımdastırıldı.

Atalğan qoğamdıq qabıldauğa oblıstıq partiya filialı törağasınıñ birinşi orınbasarımen birge, oblıstıq partiya filialı qoğamdıq qabıldau bölmesiniñ meñgeruşisi Nwrlan Äbdikärimov jäne oblıstıq mäslihat deputatı Rasul Esenov pen audandıq mäslihat hatşısı, audandıq mäslihattağı «Nur Otan» partiyası deputattıq frakciyasınıñ jetekşisi, Tereñözek kentiniñ äkimi de arnayı kelip qatıstı.

Kezekti qabıldauğa bwl jolı on azamat kelip qatısıtı. Olar öz kökeyinde jürgen köptegen swraqtarına jauap aldı. Mäselen, ol swraqtardıñ qatarında jwmıssızdıq, densaulıq saqtau, twrğın üy mäselesi jäne äleumettik qoldau salasındağı swraqtar boldı. Keluşilerdiñ köbi osı swraqtarına mamandardan keñes alıp, mäselesin şeşuge tiimdi bağıt taptı.

Sözimiz swyıq şıqpas üşin birer mısal keltire keteyik. Qabıldauğa keluşilerdiñ biri Janat Ospannıñ aytuınşa, ol bes birdey balamen jaldamalı päterde twrıp jatır eken. Onıñ üstine küyeui jwmıssız körinedi. Ol partiyadan özderine kömek körsetudi swradı. Bwl ötinişke oray, audandıq mäslihattağı «Nur Otan» partiyası deputattıq frakciyasınıñ jetekşisi Jwmabek Embergenov atalğan azamattı jaqın arada jwmıspen qamtıuğa uäde berdi.

Tağı bir keñes aluşınıñ swrağı da osımen qaraylas boldı. Tereñözektik twrğın Näzira Jaqsılıqovanıñ aytuınşa, tört bala tärbilep otırğan otbasınıñ äleumettik jağdayı köñil könşiterlik deñgeyde emes. Küyeui jwmıssız bolumen qatar, üydegi ekinşi bala mügedek. Osığan qaramastan arnaulı äleumettik kömekten igiliktene almay otır eken. Bwl ötkinşike say, oblıstıq mäslihat deputatı Rasul Esenov arızdanuşınıñ küyeuin 60 mıñ teñge aylıq jalqısı bar jwmısqa ornalastıratının ayttı.

Bwdan bölek te birqatar twrğınğa kömek körsetildi. Mäselen keybirine üyin jöndetuge qarjılay kömek berildi. Al tağı bireulerine jwmıs tauıp beruge uäde etildi.

Söz soñında, qabıldau barısında jwmıspen qamtu sındı äleumettik mäselelerdiñ tez arada şeşim tapqanın ayta ketuimiz kerek. Qızılorda oblıstıq partiya filialı törağasınıñ birinşi orınbasarı Aqmaral Älnazarova qabıldau soñında twrğındarğa barlıq mäselelerdiñ jauapsız qalmaytının, är mäseleni özi tikeley baqılauında wstaytının ayttı.

Abai.kz

0 pikir