Beysenbi, 23 Qañtar 2020
Äne, kördiñ be? 3072 8 pikir 6 Tamız, 2019 sağat 14:01

Särsenbaevtı öltirgen qılmısker merziminen bwrın bosap şığuı mümkin

Keşe Almatı qalası Türksib audandıq sotı sayasatker Altınbek Sarsenbaevtı öltirdi dep ayıptalğan Vitaliy Miroşnikovtıñ türme jazasın şarttı jazağa auıstıru turalı ötinişti qarastırdı.

Zona.kz saytınıñ mälimdeuinşe, qwqıq qorğauşı Marjan Aspandiyarova men Altınbek Sarsenbaevtıñ ağası Rısbek Särsenbay sud'ya Janat Jılqıbaevanı sotqa beru turalı ötiniş bergen. Alayda olardıñ ötinişi qabıldanbaptı.

Al, Miroşnikov sot otırısına videorolik arqılı qatısqan. Biraq, M.Aspandiyarova videonıñ dıbıs sapası naşar bolğandıqtan onıñ sot zalına jetkiziluin talap etken.

Öz kezeginde R.Särsenbay atalğan sot otırısı bastaluğa eki sağat qalğanda ğana bilgenine narazı boldı. Al jäbirlenuşilerdiñ qalğan tuıstarına bwl turalı mülde habarlanbağan.

Ayta keteyik, 2006 jıldıñ 11 aqpanında 11 sağat 40 minutta Almatı oblısı, Talğar audanı “Köktöbe” kenti men “12 brigada”  auıldarınıñ arasında sayasatker Altınbek Särsenbaywlı  men onıñ eki kömekşisiniñ mäyitteri tabıldı.

Atalğan qılmısqa tapsırıs berdi dep ayıptalğan Erjan Ötembaev 20 jılğa bas bostandığınan ayırıldı. Al, 2014 jılı Ötembaevqa qatıstı ükim qayta qaralıp, jaza 13 jılğa deyin azaytıldı. Alayda, 2018 jılı E.Ötembaev qaytıs boldı.

Al, kisi ölimine kinäli dep tanılğan Rustam Ibragimov ölim jazasına kesildi. Alayda, Qazaqstanda  ölim jazasın qoldanuğa moratoriy jariyalanğandıqtan, Ibragimovqa kesilgen ükim orındalmadı.

Sonımen qatar, tağı bir  ayıptı Miroşnikov 20 jılğa sottalğan bolatın. Biraq, qazir onı merziminen  bwrın bostau turalı ötiniş qarastırılıp jatır.

Odan bölek, atalğan qılmıstıq is boyınşa WQK «Arıstan» arnayı jasağınıñ jauıngerleri men basqa ayıptaluşılar wzaq merzimge sottalğanı aytılğan.

Nwrbike Bekswltanqızı

Abai.kz

8 pikir