Senbi, 23 Qaraşa 2019
El işi... 971 11 pikir 31 Şilde, 2019 sağat 12:22

Elbası «Käsipodaq qayratkeri» medalimen marapattaldı

1980-şi jıldardıñ ayağında qayta qwru kezeñinde, yağni «demokratiya» etek ala bastağan  şaqta memlekettik organdar men mekemelerdi, äsker men qwqıq qorğau organdarın sayasatsızdandıru jäne partiyasızdandıru ürdisi bastaldı. Al käsipodaqtarda ıdırau jäne älsireu kezeñi bastaldı.

Elimiz egemendikke, täuelsizdikke qol jetkizgen kezde 90 jıldardıñ basında jaña Prezident apparatında Nwrswltan Äbişwlı Nazarbaevtıñ qoldauımen bastauış käsipodaq wyımı qwrıldı. Bwl barlıq ortalıq memlekettik organdarda partiyalıq jäne käsipodaq komitetteri tarqağan uaqıtta boldı.

Sol kezden bastap Memleket basşısı käsipodaq komitetiniñ jüyeli qızmet atqaruına qamqorlıq tanıttı. İşki apparat mäseleleri boyınşa tapsırmalardı käsipodaqtar arqılı jüzege asırudı wsınıp otırdı, osılayşa qoğamdıq wyımnıñ bedelin arttırdı. Prezident Äkimşiliginiñ käsipodaq komitetiniñ basşısı osınday qoldaudı sezine otırıp, Elbası artıp  otırğan senimdi aqtauğa tırıstı jäne wjımda belsene jwmıs atqardı.

Qazaqstan Respublikası Twñğış Prezidentiniñ elimizdiñ käsipodaqtarı tarihındağı ayrıqşa rölin eskere otırıp, Memlekettik, bank mekemeleri jäne qoğamdıq qızmet körsetu qızmetkerleriniñ salalıq käsipodağınıñ Ortalıq komitetiniñ prezidiumı öziniñ joğarı käsipodaq marapatın bekitti jäne:

«Käsipodaq qozğalısınıñ damuına, Qazaqstan Respublikası Prezident Äkimşiliginiñ bastauış käsipodaq wyımın qwruğa jäne saqtauğa, memlekettik qızmetşilerdiñ salalıq käsipodağın nığaytuğa qosqan zor ülesi üşin jäne käsibi mereke – memlekettik qızmetşiler künine oray «Memlekettik, bank mekemeleri jäne qoğamdıq qızmet körsetu qızmetkerleriniñ salalıq käsipodağı» qoğamdıq birlestiginiñ «Käsipodaq qayratkeri» №001 medalimen Qazaqstan Respublikasınıñ Twñğış Prezidenti – Elbası Nwrswltan Äbişwlı Nazarbaevtı marapattau turalı», - şeşim qabıldadı.

Käsipodaq marapatı Qazaqstan Respublikasınıñ Twñğış Prezidenti – Elbası Keñsesiniñ Basşısı Mahmwd Qasımbekovqa tapsırıldı.

Käsipodaqtar federaciyasınıñ baspasöz qızmeti

Abai.kz

11 pikir