Jeksenbi, 17 Qaraşa 2019
Äleumet 1968 0 pikir 7 Mausım, 2019 sağat 14:59

Qızılordada ataulı äleumettik kömek twraqtı türde beriledi

Qızılorda oblısında ataulı äleumettik kömek beru aldağı uaqıtta da öz jalğasın tabadı. Bwl turalı Öñirlik kommunikaciyalar qızmetinde ötken brifingte oblıs äkiminiñ orınbasarı Quanışbek Isqaqov mälimdedi, dep jazadı Abay-aqparat.

Biıl aqpan ayında ötken "Nwr Otan" partiyasınıñ XXVIII s'ezinde Elbası Nwrswltan Nazarbaev eldegi kömekke mwqtaj köpbalalı ata-analar men az qamtılğan otbasılarğa järdemaqını 30 payızğa köterudi tapsırğan bolatın.

Elbasınıñ tapsırmasımen eldegi köp balalı jäne az qamtılğan otbasılarğa tağayındalıp jatqan äleumettik kömek halıqtıñ qarsı aluına bölenip otır, Bügingi tañda järdemaqı aluğa Qızılorda oblısı boyınşa 40 mıñnan astam köp balalı, az qamtılğan otbasılar jügingen jäne aldağı uaqıtta da bwl jwmıstar jalğasadı deydi oblıs äkiminiñ orınbasarı.

- Qazirgi uaqıtta äleumettik jelilerde «QR Prezidenti saylauınan keyin ataulı äleumettik kömek töleu toqtatıladı» degen alıpqaşpa äñgimeler taratıluda. Bwl - jalğan aqparat, - dep atap ötti Q.Isqaqov.

Oblıs äkimi orınbasarınıñ aytuınşa, 1 säuirden bastap oblıs boyınşa ataulı äleumettik kömekke 40285 otbası jügindi, 19721 otbasınan ötinişter qabıldanıp, 20564 janwyağa keñester berildi. Oblıs boyınşa säuir ayında 16193 otbasındağı 79004 adamğa 2,1 mlrd. teñgege ataulı äleumettik kömek berildi. Mamır ayında 6755 otbasınıñ ötinişi qabıldandı. 4332 janwyağa ataulı äleumettik kömek tağayındalıp, olarğa 189,4 mln.teñge tölendi.

- Qazir mausım ayı üşin tölemder jürgizilip jatır. 20 mausımğa deyin 100 payız tölenetin boladı, - dedi aymaq basşısınıñ orınbasarı.

Esteriñizge sala keteyik, 2019 jıldıñ 5 säuirinde «Memlekettik ataulı äleumettik kömek turalı» Qazaqstan Respublikasınıñ Zañına özgerister engizilip QR Prezidentimen qol qoyılğan.

Abai.kz

0 pikir