Särsenbi, 29 Qañtar 2020
Bärekeldi! 2861 0 pikir 1 Jeltoqsan, 2018 sağat 11:58

Elbası: Täuelsizdigimizdi qorğay almasaq, istegen şaruanıñ bäri beker

Täuelsizdigimizdi qorğay almasaq istegen şaruanıñ barlığı beker. Bwl turalı bügin «Jas sarbaz» balalar men jasöspirimder äskeri-patriottıq qozğalısı» respublikalıq qoğamdıq birlestiginiñ jäne äskeri-patriottıq klubtardıñ tärbielenuşilerimen kezdesken Elbası - QR Qarulı Küşteriniñ Joğarğı Bas qolbasşısı Nwrswltan Nazarbaev ayttı, dep habarlaydı QazAqparat tilşisi.

«Erteñ Qazaqstan el bolıp öziniñ Twñğış  Prezidentin saylağan kün. Ol kündi bizdiñ Parlament mereke küni dep tağayındadı. Mäsele bireudiñ atı-jöninde emes, ol küni men saylandım. Biraq, ol qazaq qazaq bolğalı, el bolğalı twñğış ret tarihında öziniñ oyımen, öziniñ pikirimen öz Prezidentin saylağan eñ twñğış quanıştı küni bolatın. Sonıñ qarsañında sizdermen kezdesip otırmız», - dedi Elbası.

QR Prezident jaqındağı bükil halıqqa arnağan Joldauında jastarğa patriottıq tärbieleu mäselesine ayrıqşa nazar audarılğandığın atap ötti.

«Barlıq istep jatqan şaruanıñ, 27 jıldıñ işindegi täuelsizdikti nığaytu üşin, memleketimizdi düniejüzine paş etu üşin istegen jwmısımızdıñ barlığı - Otandı qorğau. Egerde täuelsizdigimizdi, büginde älemge belgili bolğan Qazaqstanımızdı, kök bayrağımızdı qorğay almasaq istegen şaruanıñ barlığı beker boladı. Sondıqtan bügingi «Jas sarbaz» respublikalıq qoğamdıq birlestiginiñ  qwrıluımen barşañızdı qwttıqtaymın», - dedi Memleket basşısı.

Elbası äskeri adam üşin, äskeri bölimşeler üşin tu, jalau barlıq uaqıtta batırlıqtıñ, otansüygiştiktiñ belgisi bolıp sanalatındığın basa ayttı.

«Ol tudı joğarı wstau, ol tudı qisaytpau barlığımızdıñ parızımız.  Biz otanımızdı qorğay almasaq, şekaramızdıñ şebinde twra almasaq elimiz ösip-örkendemeydi. İstep jatqan şaruanıñ barlığı jastar üşin, bolaşaq üşin. Senderdiñ ömirleriñ bizden de jaqsı bolsın dep, bizdiñ Qazaqstanımız bolaşaqta bwdan da joğarı, bay bolsın dep  istep jatqan şarualarımız bar», - dedi Nwrswltan Nazarbaev.

Abai.kz

0 pikir