Särsenbi, 23 Qazan 2019
Äne, kördiñ be? 2367 13 pikir 7 Mausım, 2018 sağat 13:04

Paraqordı wstauğa kömekteskenderge 240 mıñ teñge "para beriledi"

QR Memleketik qızmet isteri jäne sıbaylas jemqorlıqqa qarsı is-qimıl agenttiginiñ törağası Alik Şpekbaev paraqorlardı wstauğa septesken adamğa "para bermek". YAğni, agenttiktiñ törağası jemqorlıq turalı habarlağan qazaqstandıqtarğa 730 $ köleminde sıyaqı beretinin aytqan. Bwl turalı agenttiktiñ törağası Facebook äleumettik jelisindegi paraqşasında jazdı.

«Ärbirimiz qazirgi uaqıtta da, bolaşaqta da sıbaylas jemqorlıqqa orın joq dep aytatın bolsaq, ärbir qazaqstandıq jemqorlıqtı jeñuge bolatınına senetin bolsa, eldegi sıbaylas jemqorlıqtı jeñu äbden mümkin ekenine közim jetti. Eñ bastısı, ärbir azamattıñ qazirden bastap osığan wmtıluı mañızdı. Dostar, eger siz sıbaylas jemqorlıqqa qatıstı zañbwzuşılıq orın alıp jatqanına kuä bolsañız, yağni para wsınılıp nemese berilip jatqanın körseñiz, byudjet qarjısınıñ wrlanuı josparlanıp jatqanın bilseñiz, qızmetin asıra paydalanu orın alıp jatqanına kuäger bolsañız dereu agenttikke habarlasıñızdar» , - degen Şpekbaev .

Şpekbaev birde-bir qoñırau qarausız qalmaytının, sıbaylas jemqorlıqqa qatıstı aqparatpen bölisken azamattarğa qwpiyalılıq pen qwqıqtıq qorğauğa kepildeme beriletinin de mälimdedi. Eger aqparat rastalğan jağdayda, aqparatpen bölisuşi 240 mıñ teñgege ($730) deyin sıyaqı ala aladı.

Şäriphan Qaysar

Abai.kz

13 pikir